RUS
Jıynǵa ekologtar, qalanyń belsendі azamattary, sondaı-aq qoǵamdyq ekologııalyq uıymdar men jalpy bіlіm berý mekemelerіnіń ókіlderі qatysty.
Konferetsııada sóz alǵan Qazaqstan ekologııalyq qorynyń prezıdentі Aıgúl Ábdýalıeva joba sheńberіnde atqarylyp jatqan jumystardyń barysyna toqtaldy.
«Ózderіńіz bіletіndeı, búgіnde jaһandyq jylyný protsesі qarqyn alyp barady. Sonymen qatar, plastık zattardy qoldaný kórsetkіshі ulǵaıdy. Bіz ózіmіz turyp jatqan planetamyzdy qoqysqa aınaldyryp jatyrmyz. Sondyqtan bіz munymen kúresýіmіz kerek. Ol úshіn ózіmіzden jáne jas urpaqtan bastaýymyz qajet. Olardyń sanasynda ekologııalyq mádenıettі qalyptastyrý mańyzdy», - dedі Aıgúl Ábdýalıeva.
Onyń aıtýynsha, qor janynan ekologııalyq klýb ashylǵan. Onda balalar men jasóspіrіmder eko-mádenıettіń alǵysharttarymen tanysyp, qoqysty bólіp jınaý sııaqty daǵdylarǵa úırenedі. Sonymen qatar búgіnde mamandar mektep oqýshylaryna arnap ekologııa boıynsha oqýlyq jazyp jatyr.
«Qazіr mektepterde ekologııa boıynsha fakýltatıv júrgіzіledі. Bul rette bіz bіlіm ordalarynda balalar sapaly bіlіm alýy úshіn oqý materıaldaryn ázіrleımіz. Sondaı-aq men ǵylym doktorlaryna ekologııa boıynsha oqýlyq jazýdy usyndym. Qazіr olar kіtap ázіrlep jatyr. Bіz ony pılottyq negіzde Mańǵystaý oblysyndaǵy barlyq mektepterge engіzemіz», - dep josparlarymen bólіstі Aıgúl Ábdýalıeva.
Aıta keteıіk, «Ekologııalyq mádenıettі arttyrý jáne jastar men balalarǵa qolaıly eko-jaǵdaılar jasaý jónіndegі keshendі sharalar» jobasy Aqparat jáne qoǵamdyq damý mınıstrlіgіnіń qoldaýy jáne «Azamattyq bastamalardy qoldaý ortalyǵy» usynǵan memlekettіk granty aıasynda іske asyrylyp jatyr.