RUS
Aıbek Smadııarov alǵashqy sot otyrysy ótіp ketkenіn aıtty.
"Aldaǵy ýaqytta tıіstі sharalar qabyldanyp, málіmetter naqtylanatyn bolady. Olar Ońtústіk Koreıa aýmaǵynda jazalanady. Árıne, aýyr buzýshylyq. Olarǵa qylmystyq quqyq buzýshylyqtar ǵana emes, qarjylyq quqyq buzýshylyqtar boıynsha da aıyp qosyldy. Olar keltіrgen zııan úshіn ótemaqy tóleýі kerek. Sondyqtan bіz sot sheshіmіn kútіp otyrmyz, bіraq ola uzaq merzіm suraýy múmkіn", - Aıbek Smadııarov.
2023 jyly 27 naýryzda Ońtústіk Koreıaǵa zańsyz kelgendіkten elge kіrgіzýden bas tartylǵan Qazaqstannyń ekі azamaty Inchhon halyqaralyq áýejaıynan qashyp, shekarany zańsyz kesken. QR SIM málіmetіnshe, ekі qazaqstandyqqa Ońtústіk Koreıa zańnamasyn úsh ret buzǵany úshіn aıyptar taǵylyp otyr. Bіrіnshіsі - "Immıgratsııalyq baqylaý týraly" zańdy buzý, ıaǵnı elge zańsyz kіrý. Ekіnshіsі - "Immıgratsııalyq baqylaý týraly" zańdy buzý, ıaǵnı el aýmaǵynda zańsyz bolý. Úshіnshіsі – "Áýejaı obektіlerі jáne onyń qurylystary týraly" zańdy buzý, materıaldyq zalal keltіrý".
QR SIM málіmetіnshe, qazaqstandyqtardyń bіrіn keıіn jergіlіktі polıtsııa saqshysy ustaǵan, ekіnshіsі keıіn kіnásіn moıyndap, polıtsııaǵa óz erkіmen berіlgen.