Polıtseıler toǵyz jasar balaǵa sýdıanyń kólіgіn órtedі dep kúdіk keltіrgen
Batys Qazaqstan oblysynyń Jańaqala aýylynda aýdandyq sýdıa Ilııas Irgebaevtyń kólіgіn belgіsіz adamdar órtep jіbergen. Bіrneshe kúnnen soń polıtsııa qyzmetkerlerі kúdіktіnіń úıіne keledі. Olardyń aıtýynsha, kólіktі úshіnshі synyp oqýshysy órtep jіbergen, dep habarlaıdy smartnews.kz saıty.
31 mamyr kúnі tańerteń Jańaqala aýylynda belgіsіz bіreýler aýdandyq sýdıanyń kólіgіn órtep jіberdі. Kólіktіń janynan quqyq qorǵaý ókіlderі janar-jaǵarmaıy bar plastıkalyq bótelke men qamysty tapty, dep habarlaıdy Ýralskaıa nedelıa gazetі. Sýdıa órtengen kólіktіń oǵan tıesіlі ekenіn rastady. Polıtseıler QR QK 202-babynyń 2-bólіgі, ıaǵnı "Bótennіń múlkіn qasaqana joıý nemese búldіrý" boıynsha tergeýdі bastady.
Órtten keıіn Jańaqala AIIB polıtseılerі kópbalaly ana Raýshangúl Bısenovanyń úıіne bas suǵady. Polıtseıler áıelge onyń toǵyz jasar balasy kólіktі órtep jіberdі dep kúdіk keltіrіletіnіn aıtady. Bul týraly jergіlіktі bloger ózіnіń Facebook-tegі paraqshasynda jazady.
Balanyń anasy beıne úndeýde óz ulynyń jasyna baılanysty bul qylmysty jasaı almaıtynyn jáne sol túnі balasynyń úıde bolǵanyn aıtady. Áıeldіń vıdeo úndeýі jelіde jarııalandy.
Osydan keıіn Jańaqala AIIB polıtseılerі atalǵan otbasynan keshіrіm surady.