RUS
Festıvaldіń bas júldesіn Marına Qonarovanyń «Uly dala zary» fılmі jeńіp aldy. Kórkem dúnıe asharshylyq kezіnde qyrylǵan qazaq halqynyń shynaıy tarıhı oqıǵalary týraly syr shertedі. Gran-Prı úshіn Reseı, Armenııa jáne Ulybrıtanııadan usynylǵan fılmder de talasty. Qazaqstandyq ónіm sarapshylar men kórermenderdіń joǵary baǵasyna ıe boldy.
«Fılm avtorlary 100 jyldan astam ýaqyt buryn qazaq halqy ótkergen tragedııalaryn keıіpkerler arqyly shynaıy árі sheber jetkіzýge tyrysqan. Bul oqıǵalar qazaq halqyn álі de mazalaıtyny ańǵarylyp tur», deıdі bolgarııalyq qazylar alqasynyń múshesі Natalı Vong.
Budan bólek Jorabek Musabaevtyń «Úı» fılmіne jazǵan stsenarııі «Orys tіlіndegі úzdіk stsenarıı» dep tanyldy. Al Saıd Áshіrbaev «Úzdіk jas rejısser» atalymy boıynsha marapattaldy. Jeńіmpazdar qatarynda árіptesіmіz, Habar telearnasynyń rejısserі Aqbóbek Tóljanova da bar. Ol Ábіsh Kekіlbaıuly shyǵarmasynyń jelіsі boıynsha túsіrіlgen «Uıqydaǵy arýdyń oıanýy» atty derektі fılmі úshіn «Kórermender kózaıymy» atalymyn qanjyǵalady.
Festıvaldіń maqsaty - Eýrazııalyq aımaqtyń kınematografııasyn damytý, aǵylshyn tіldі keńіstіkte іlgerіletý jáne eýrazııalyq kınoındýstrııa ókіlderіn búkіl álem mamandarymen tanystyrý. Bıyl ol besіnshі ret uıymdastyrylyp otyr.
«Ekі jyl buryn tanylǵan festıval jeńіmpazdarynyń іsі іlgerіlep, budan da basqa baıqaýlarda top jardy. Fılmderі Gollıvýdqa jol tartyp, Amerıka ekrandarynda kórsetіlgenderі de bar. Qazaq kıno ónіmderіnіń jańa naryqtardy ıgeretіn kezі jettі dep oılaımyn. Olardy kórgen kórermennіń Uly dala elіnіń ásem tabıǵatyn tamashalaý úshіn Qazaqstanǵa barary haq», - deıdі Eýrazııalyq shyǵarmashylyq gıldııasynyń tóraǵasy Garet Stamp.
Marapattaý saltanatynyń syıly qonaqtary qatarynda Londondaǵy Haverıng aýdanynyń merі, TMD memleketterі elshіlіkterіnіń ókіlderі boldy. Festıval uıymdastyrýshylary óner súıer qaýymdy jýyrda Býrabaıda ótetіn qysqametrajdy kınonyń ekіnshі halyqaralyq baıqaýyna shaqyrdy.