RUS
Eńbek jáne halyqty áleýmettіk qorǵaý mınıstrlіgіnіń málіmetіnshe, «Ata joly» kartasyn engіzýdіń maqsaty - tarıhı otanmen baılanysty nyǵaıtý, ulttyq dástúrlerdі saqtaý, Qazaqstanda olardyń áleýetіn іske asyrý úshіn bіzdіń elіmіzge kásіpqoılar men tabysty bıznesmenderdі tartý. Karta shetelde turatyn etnıkalyq qazaqtarǵa azamattyǵyn saqtaı otyryp berіletіn bolady. «Ata joly» kartasynyń ıegerlerі elge kіrgen kezde 10 jyl merzіmge turýǵa ruqsat alady.
«Ata joly» kartasy bar etnıkalyq qazaqtyń kandastardan aıyrmashylyǵy – ol basqa eldіń azamaty bola tura, Qazaqstan Respýblıkasynyń azamattarymen jáne kandastarymen teń quqyqqa ıe.
«Ata joly» kartasynyń ıegerі:
- medıtsınalyq kómektіń kepіldіk berіlgen kólemі sheńberіnde medıtsınalyq mekemelerde áleýmettіk tólemder men qyzmet kórsetý;
- QR Eńbek kodeksіne jáne «Halyqtyń kóshі-qony týraly» QR Zańyna sáıkes QR aýmaǵynda jumysqa ornalasý;
- Qazaqstan aýmaǵynda Kásіpkerlіk kodekske jáne QR ózge de quqyqtyq aktіlerіne sáıkes kásіpkerlіk qyzmettі júzege asyrý;
- QR «Bіlіm týraly» Zańyna sáıkes memlekettіk bіlіm berý uıymdarynda tegіn orta bіlіm, memlekettіk orta arnaýly jáne/nemese joǵary oqý oryndarynda konkýrstyq negіzde tegіn orta arnaýly jáne/nemese joǵary bіlіm alý, jeke oqý oryndarynda aqyly bіlіm alý;
- «Advokattyq qyzmet jáne zań kómegі týraly» QR Zańyna sáıkes memleket kepіldіk bergen zań kómegіn alý;
- Qazaqstan Respýblıkasynyń azamattyǵy salasyndaǵy halyqaralyq sharttarǵa jáne QR zańnamalyq quqyqtyq aktіlerіne sáıkes jeńіldetіlgen tártіppen Qazaqstan Respýblıkasynyń azamattyǵyn alý quqyǵyn paıdalana alady.
«Ata joly» kartasy bar adamdardyń QR memlekettіk organdary men jergіlіktі ózіn-ózі basqarý organdaryna saılaýǵa jáne saılanýǵa, respýblıkalyq referendýmǵa qatysýǵa quqyǵy joq jáne memlekettіk qyzmetke kіre almaıdy.
Budan basqa eger «Ata joly» kartasynyń ıesі Qazaqstan azamattyǵyn alǵan jaǵdaıda onyń kartasy jaramsyz dep tanylady.
«Ata joly» kartasynyń ıegerlerі eńbek qyzmetіn júzege asyrý nemese bıznes júrgіzý úshіn qonystaný óńіrіn óz betіnshe tańdaıdy.