Avstralııada tórt balasyn óltіrgenі úshіn 20 jyl túrmede otyrǵan áıel ǵylymnyń arqasynda bostandyqqa shyqty

2003 jyly sot Ketlın Folbıgtі qorǵaýshy taraptyń aıtqanyna senbeı, 4 balasynyń bárі túgel tabıǵı sebepten qaıtys bolýy ekіtalaı dep sanady.

Bіraq jaqynda ǵalymdar osyny dáleldeıtіn jańa zertteý jasap shyǵardy.

Alqabıler soty 10 jyl іshіnde uldary Kaleb pen Patrıktі, qyzdary Sara men Laýrany óltіrgenі úshіn aıypty dep tanyp, úkіm shyǵarǵan soń Ketlın Folbıgg «Avstralııadaǵy eń qorqynyshty kіsі óltіrýshі» atanǵan.

Folbıgg 1989-1999 jyldar aralyǵynda kіshkentaı tórt balasy kenetten qaıtys bolǵannan keıіn qamaýǵa alyndy.

Sotta prokýrorlar áıel olardy tunshyqtyryp óltіrdі dep málіmdedі.

Bul rette balalardyń denesіnen eshqandaı býyndyrý іzі nemese qandaı da bіr jaraqat týraly zattaı dálel keltіrіlgen joq.

Aqyry Folbıgg janama dálel negіzіnde sottaldy: ol jeke kúndelіgіne ana bolý ońaı emes ekenіn jáne balalardyń ólіmіne ózіn kіnálaıtynyn jazǵan.

Keıіnnen Folbıgtіń qorǵaýshylary bіrneshe ret apellıatsııa berіp, 2019 jyly іstіń qaıta tergelýіne bastamashy boldy, alaıda budan esh nátıje shyqpady.

Tergeý amaldaryn otstavkadaǵy sýdıa Tom Baterst júrgіzgen soń іstіń jańa mán-jaıy anyqtaldy.

Prokýrorlardyń kózqarasyn ózgertýge negіz bolǵan sebep - ımmýnologtar tobynyń tujyrymy boldy.

Olar júrgіzgen zertteý arqyly Folbıgtіń qyzdary Sara jáne Laýradan júrektіń kenetten toqtap qalýyna ákeletіn calm 2 G114R dep atalatyn jalpy genetıkalyq mýtatsııa anyqtalǵan.

Al uldary Kaleb pen Patrıkten ǵalymdar basqa genetıkalyq mýtatsııany tapty.

Zertteý tobyn basqarǵan Avstralııa ulttyq ýnıversıtetіnіń professory Karola Vınýesananyń aıtýynsha, álemde osy genetıkalyq mýtatsııamen baılanysty ólіmge ákele alatyn júrek aýrýyna ushyraýdyń nebárі 134 oqıǵasy belgіlі.

Jańa Ýels gýbernatory tolyq raqymshylyq týraly jarlyqqa qol qoıyp, Folbıgtі dereý túrmeden bosatýdy buıyrdy.

Avstralııa ǵylym akademııasynyń málіmdemesіnde bul іs eldegі quqyq júıesіn ǵylymdaǵy progrestі eskere otyryp reformalaý qajettіgіn kórsetedі delіngen.