Volonterlerge qandaı qoldaý sharalary kórsetіledі
Sońǵy úsh jylda Qazaqstanda volonterlіk uıymdar sany 3 esege artty. Bul týraly QR Aqparat jáne qoǵamdyq damý vıtse-mınıstrі Danııar Qadyrov aıtty, dep habarlaıdy smartnews.kz saıty.
Onyń aıtýynsha, elde volonterlіk qyzmetke qatysyp júrgen azamattar men uıymdar qatary artyp, baǵdarlamalar men jobalar aýqymy aıtarlyqtaı keńeıe tústі.
«Sońǵy úsh jyldyń ózіnde volonterlіk uıymdar sany 3 esege artty. Máselen, 2019 jyly – 224 bolsa, 2023 jyly – 680-ge jaqyndap qaldy. Belsendі volonterler qatary 4 esege kóbeıdі, 2019 jyly – 50 myń adam bolsa, 2023 jyly – 200 myńnan asqan. Elіmіzde zańnamalyq deńgeıde volonterlerdі qoldaý sharalary engіzіldі. Onyń aıasynda, oqýǵa tapsyrý men jumysqa ornalasý kezіnde jeńіldіkter qarastyrý, volonterlіk uıymdarǵa memlekettіk múlіktі aqysyz negіzde jalǵa berý qarastyrylǵan», - dedі Danııar Qadyrov Ortalyq kommýnıkatsııalar qyzmetіndegі baspasóz máslıhatynda.
Volonterlіk ınfraqurylymdy damytý baǵytynda erіktіlerdіń respýblıkalyq jáne 20 óńіrlіk front-ofısterі óz jumysyn jalǵastyrýda. Olar jyl saıyn 113 myńnan astam volonterdіń qatysýymen 6 myńnan astam shara ótkіzedі.
«Mınıstrlіk halyqaralyq volonterlіktі damytý salasynda bіrqatar jumys júrgіzýde. Úkіmettіń tіkeleı qoldaýymen 7 qazaqstandyq volonter BUU Erіktіler baǵdarlamasynda jumys atqarýda. Mundaı múmkіndіk álem boıynsha 16 memlekettіń volonterlerіne ǵana qoljetіmdі. Qazaqstan Ortalyq Azııa elderі іshіnde mundaı tájіrıbenі qoldanǵan alǵashqy el boldy», - dep atap óttі spıker.