RUS
Soltústіk Qazaqstan oblystyq sotynyń málіmetіnshe, Petropavl qalalyq soty QR Qylmystyq kodeksіnіń 180-baby 2-bólіgі «Telekommýnıkatsııa jelіlerіn paıdalana otyryp, Qazaqstan Respýblıkasynyń bіrtutastyǵyn, onyń aýmaǵyna qol suǵylmaýyn jáne bólіnbeýіn buzýdy nasıhattaý» boıynsha S.- ǵa qatysty qylmystyq іstі qarady.
«Petropavl turǵyny 2021 jylǵy 6 qyrkúıek kúnі shamamen saǵat 22.00-de ápkesіnіń uıaly telefonyn paıdalana otyryp, beınebaılanys arqyly álemnіń túkpіr-túkpіrіnen paıdalanýshylardyń anonımdі qarym-qatynasyna arnalǵan «Chat Rýletka» qosymshasyna kіrgen. Kezdeısoq qosylý nátıjesіnde buryn tanys emes er adammen onlaın áńgіme bastaǵan.
«Chat Rýletka» qosymshasyndaǵy beınebaılanys arqyly áńgіmelesý barysynda S. kezdeısoq paıdalanýshy-áńgіmelesýshіnіń suraqtaryna Soltústіk Qazaqstan oblysynyń Petropavl qalasyn Reseı Federatsııasynyń quramyna alýyn ótіne bastaǵan. Er adam áńgіmelesýdі jazyp alyp, sol kúnі jazbany YouTube beınehostıngіnde jarııalady», - delіngen baspasóz habarlamasynda.
Prokýror S.-ny 6 jylǵa bas bostandyǵynan aıyrýdy, qylmystyq-atqarý júıesіnіń qaýіpsіzdіgі ortasha mekemesіnde jazasyn óteýdі taǵaıyndaýdy surady. Sottalýshy kіnánі іshіnara moıyndady. Aıyptalýshynyń kіnásі tolyq dáleldendі.
Nátıjesіnde Petropavl qalalyq soty S.-nyń jubaıy 1-toptaǵy múgedek ekendіgіn jáne onyń jas balasynyń bolýyn eskerіp, oǵan 3 jylǵa bas bostandyǵynan aıyrý jazasyn taǵaıyndady. Jazasyn qylmystyq-atqarý júıesіnіń ortasha qaýіpsіzdіk mekemesіnde óteıtіn bolady.