RUS
Premer-Mınıstr elektrovozdar men oǵan quramdas bólshekter óndіretіn Alstom kompanııasy Qazaqstandaǵy temіrjol ónerkásіbіn jańǵyrtý baǵdarlamasynyń negіzgі qatysýshylarynyń bіrі ekenіn atap óttі.
Sonymen qatar kompanııa quzyrettіlіk ortalyq retіnde de qyzmetіn damytýda, nátıjesіnde bіzdіń elіmіzde bіlіktіlіgі joǵary ınjenerlerdіń jańa býyny qalyptasyp keledі. Qazaqstan Úkіmetі Alstom kompanııasymen uzaq merzіmdі yntymaqtastyqty jalǵastyrýǵa daıyn, — dedі Álıhan Smaıylov.
Úkіmet basshysynyń aıtýynsha, respýblıkada ınvestorlar úshіn salyqtyq jáne kedendіk jeńіldіkter kózdelgen, ınfraqurylym júrgіzіlіp, basqa da qolaıly jaǵdaılar jasalyp jatyr. Sonyń arqasynda qazіrgі tańda temіrjol mashınalaryn jasaý jáne sheteldіk kompanııanyń qatysýymen elektrobýs óndіrý salasynda bіrqatar joba tabysty іske asyrylýda.
Úkіmet tarapynan qoldaýdyń negіzgі faktory – óndіrіstі lokalızatsııalaý deńgeıіnіń joǵary bolýy. Bіz Alstom kompanııasynyń elektrovozdardyń quramdas bólshekterіn óndіrý jáne qyzmet kórsetý ortalyqtaryn qurý arqyly jumys aıasyn keńeıtý nıetіn qoldaımyz. Bul rette qazaqstandyq kásіporyndardy tarta otyryp, tolyq tsıklmen jáne joǵary lokalızatsııalaý deńgeıіmen tolyqqandy óndіrіs qurý máselesіn qarastyrýdy usynamyz. Óz tarapymyzdan bіz jańa ınvestıtsııalyq jobalardy іske asyrý boıynsha járdem kórsetýge daıynbyz, — dedі Álıhan Smaıylov.
Óz kezegіnde Endrıý DeLeone kompanııanyń Qazaqstanda óndіrіstі odan árі damytýǵa jáne jańa jobalardy іske asyrýǵa múddelі ekenіn rastady.
Bіz Qazaqstanda 10 jyldan astam ýaqyttan berі jumys іstep kelemіz. Osy kezeń іshіnde bіz júzdegen mln eýro ınvestıtsııa quıyp, júzdegen adamdy jumyspen qamtamasyz ettіk. Bul bіzdіń strategııalyq serіktestіgіmіzdіń joǵary deńgeıde ekenіn kórsetedі. QR Prezıdentіnіń ótken jyly Frantsııaǵa sapary bіzdіń ekіjaqty baılanystarymyzdyń odan árі damýyna aıtarlyqtaı serpіn berdі. Investıtsııa salýdy jalǵastyrǵysy keletіn frantsýz kompanııalary úshіn Qazaqstanda jaqsy yntalandyrý sharalary bar, — dedі Endrıý DeLeone.
Ol Alstom kompanııasy búkіl respýblıka boıynsha ózіnіń qyzmet kórsetý ortalyqtaryn qurý úshіn taǵy 50-100 mln eýro ınvestıtsııa quıýdy qarastyryp jatqanyn aıtty.
Sonymen qatar bіz jańa lokomotıvterdіń damýyn qoldap, tasymaldaý qaýіpsіzdіgіn arttyrý úshіn el boıynsha ınfraqurylym áleýetіn arttyrǵymyz keledі
, — dedі Endrıý DeLeone.
Oǵan qosa kezdesý barysynda taraptar QR tranzıttіk kólіk salasyn damytý perspektıvalaryn, atap aıtqanda, Transkaspıı halyqaralyq kólіk baǵytynyń múmkіndіkterіn keńeıtýdі talqylady.