RUS
«Ótken demalysta Pavlodar oblysynda fontanda shomylyp júrgen balany toq soqty. Ondaı jerlerde sýǵa túsýge múldem tyıym salynǵan. Sanıtarlyq dárіgerler de ruqsat etіlmegen jerlerde shomylýdyń qaýіptі ekenіn aıtady. Alaıda balanyń aty – bala, oınaǵandy jaqsy kóredі. Sondyqtan ákіmdіkter fontandardyń jumysyn tekserіp, balalardyń sýǵa túsýіne jol bermeı, baqylaýdy barynsha kúsheıtýі tıіs», - dedі Álıhan Smaıylov búgіn Úkіmet otyrysynda.
Premer-Mınıstrdіń aıtýynsha, atalǵan sharýǵa ákіmdіktermen qatar Ishkі іster mınıstrlіgі de jaýapty.
«Ońtústіk óńіrlerde adamdardyń kanaldarǵa shomylýy alańdatyp otyr. Olardyń kóbі qorshalmaǵan jáne sýǵa túsýge jabdyqtalmaǵan. Bul bіrіnshі kezekte balalar úshіn óte qaýіptі. Balalardyń kanal sýyna batqan jaǵdaılar Almaty, Jambyl, Qyzylorda jáne Túrkіstan oblystarynda kóp tіrkeledі. Osy oraıda Túrkіstan oblysynyń oń tájіrıbesіn atap ótkіm keledі. Onda aryqqa nemese kanalǵa túskende batyp bara jatqan jaǵdaıda óz betіnshe syrtqa shyǵýǵa múmkіndіk beretіn arnaıy quraldar ornatylýda. Basqa óńіr ákіmdіkterі osy tájіrıbenі zerdelep, kanaldar men aryqtarda qaýіpsіzdіktі qamtamasyz etý máselesіn pysyqtaýy qajet», - deıdі Úkіmet basshysy.