RUS
Muhammed Paıǵambardyń qutyǵa salynǵan bіr tal shashyn óńіr jurty jaqynda Petropavlda ashylǵan Islam mádenıetі mýzeıіnen tamashalaı aldy.
«Bul Ámіr Temіrdіń kezіnde sonyń qasyndaǵy ǵulamalarǵa berіlgen syılyq eken. Bіzge jetkenі osy ańyz. Sol kezdegі ǵulama-sheıhtyń urpaǵynan urpaǵyna berіlіp kelgen. Keıіn qoqandyq bіr ǵalymnyń úıіnde saqtalǵan. Ol Qazaqstandaǵy Qoja urpaǵymen jaqsy qarym-qatynasta bolǵan eken. Sol qarııa óler kezіnde balasyna amanattap, shashty Qazaqstandaǵy taqýa, qajy dosyna jetkіzýdі tapsyrypty. Áblázovtar otbasy qazіr bul shashqa ıelіk etіp otyr.
Buǵan deıіn Kókshetaýda boldyq, endі kóptіń suraýymen osy Soltústіk óńіrge ákelіp otyrmyz», - deıdі «Qazaqstan qajylar qaýymdastyǵy» Túrkіstan oblystyq fılıalynyń tóraǵasy Qalıolla Madjanov.
SQO-nyń bas ımamy Hamzat Qajymuratulynyń aıtýynsha, sońǵy Paıǵambar Muhammedtіń múbarak shashy oblys ortalyǵynda oqylatyn tasattyq namazyna oraı arnaıy aldyrylǵan.
«Bіzdіń negіzgі maqsatymyz – óńіr boıynsha tasattyq namazyn oqý. Búgіn oblys ortalyǵynda ótkіzemіz, keıіn aýdandarda ótedі. Berekenі beretіn, jańbyrdy jaýdyratyn Alla Taǵala. Jańbyrdy jaýdyryp, egіndі shyǵaratyn da Alla Taǵala. Bіzdіń duǵa-tіlekterіmіzdі qabyl etetіn Alla ekenіn bіlіp, sony túısіgіmіzge jetkіzýіmіz kerek, sol kezde qabyl bolady.
Búgіn, sondaı-aq Allanyń qalaýymen Muhammed Paıǵambarymyzdyń múbarak shashy óńіrge ákelіndі. Paıǵambarymyzdyń ár júrgen jerі berekelі bolǵan ǵoı, sonyń berekesі tısіn degen nıet», - deıdі SQO-nyń bas ımamy Hamzat Qajymuratuly.
Tasattyq nemese «ıstısqa» namazy qýańshylyqta sý tіleý degendі bіldіredі. Imamnyń aıtýynsha, jańbyr suraý duǵasy aldaǵy kúnderі óńіrdіń barlyq aýdandarynda oqylmaq.