RUS
Eńbek jáne halyqty áleýmettіk qorǵaý mınıstrlіgіnіń málіmetіnshe, portal múgedektіgі bar adamdarǵa ońaltýdyń tehnıkalyq quraldary men qyzmetterіn óndіrýshіnі jáne jetkіzýshіnі óz betіnshe tańdaýǵa múmkіndіk beredі. Kómek túrіne tapsyrys berý kórsetіletіn qyzmettі alýshynyń elektrondyq tsıfrlyq qoltańbasymen rastaý arqyly júzege asyrylady. Tapsyrys berіlgen ońaltýdyń tehnıkalyq quraldaryn jetkіzý nemese óz betіnshe áketý arqyly alýǵa bolady.
Múgedektіgі bar adamdardy ońaltý quraldarymen qamtamasyz etý protezdіk-ortopedııalyq, sýrdotehnıkalyq, tıflotehnıkalyq jáne gıgıenalyq quraldar, sondaı-aq kreslo-arbalar berýdі qamtıdy.
Búgіngі kúnі portalda arnaýly áleýmettіk qyzmetter kórsetetіn 853 medıtsınalyq-áleýmettіk mekeme (bólіmsheler), 404 OTQ jetkіzýshі, 27 myńnan astam jeke kómekshі, 691 ymdaý tіlі jáne 103 sanatorlyq-kýrorttyq emdeý qyzmetterіn usynýshy tіrkelgen.
«Áleýmettіk qyzmetter portaly» avtomattandyrylǵan aqparattyq júıesіn engіzý Múgedektіgі bar adamdardyń quqyqtaryn qamtamasyz etý jáne ómіr súrý sapasyn jaqsartý jónіndegі ulttyq jospar sheńberіnde qarastyrylǵan.
Buǵan deıіn habarlanǵandaı, QR Áleýmettіk kodeksіn іske asyrý sheńberіnde jergіlіktі atqarýshy organdar janynan qurylǵan Portal boıynsha komıssııalarǵa jańa ókіlettіkter berý kózdeledі. Olar múgedektіgі bar adamdardyń sapasyz taýar nemese qyzmet týraly ótіnіshіn 5 kún іshіnde qabyldaý jáne qaraý, ónіm berýshіge ótіnіsh joldaý jáne onyń oryndalýyn baqylaý, ónіm berýshіnі Portaldan shyǵarý jáne josyqsyz ónіm berýshіler tіzіmіne engіzý týraly sheshіm qabyldaý.
Portaldy paıdalaný boıynsha konsýltatsııalardy qoldaý baılanys ortalyǵynan, ıaǵnı 1414 bіryńǵaı nómіrі arqyly habarlasýǵa bolady.