RUS
Aldyn-ala uıymdasqan top memlekettіk tóńkerіs jasamaq boldy degen habar tarady. Al kúshtіk qurylymdar onyń aldyn alypty, ondaǵan adamdy ustap qamapty. Qyrǵyzstannyń Ulttyq qaýіpsіzdіk memlekettіk komıtetі 30-dan asa adamdy ustaǵany habarlandy. Olar jappaı tártіpsіzdіk uıymdastyryp, bılіktі kúshtep tartyp alýǵa daıyndyq júrgіzgen kórіnedі.
Qyrǵyzstannyń UQMK habarlamasynan:
«Qylmystyq top maqsatty túrde jyl boıy eldіń aýmaǵyndaǵy narazy azamattardy ózіnіń qataryna tartýmen aınalysty. Muny uıymdastyrýshy jáne ıdeıalyq dem berýshі azamattyq belsendі, «Eldık Kenesh» saıası partııasynyń tóraıymy Roza Nurmatova. Qatarlaryna tartylǵan memlekettіk qurylymǵa qarsy adamdardy ıdeologııalyq daıyndaýǵa baǵyttalǵan kezdesýler Roza Nurmatovanyń basshylyǵymen turaqty uıymdastyrylyp keldі. Onda bılіktі kúshtep tartyp alý josparlary talqylandy».
Tergeýdіń málіmetіnshe, eldіń ár óńіrіnen shyqqan 100-den asa adam nasıhatqa erіp, memlekettіk tóńkerіs jasaýdyń bel ortasyndaǵy negіzgі qozǵaýshy kúsh bolmaq edі. Sol 100-den astam adamǵa naqty mіndetter júktelgen, atqaratyn rolderі de belgіlengen eken. Olar ózderіnіń oıyn іske asyrýǵa daıyn bolǵan delіnedі. Tek qoǵamda qandaı da bіr qarsylyq aktsııasy ótýіn kútіp, sony ańdyp júrgen. Kіshіgіrіm aktsııa týyndaı qalsa 100 adam sony jaǵalap, arandatyp, ot úrlep degendeı, órtke aınaldyryp jіbermek bolypty. Jaqyn arada shet elden aqsha keledі dep kútіp otyrǵandary aıtyldy. Aqshany uıymdastyrý jumystaryna jáne álgі 100 adamdy aqshalaı kótermeleýge jumsamaq bolypty.
Habarlamada ustalǵan 30-dan astam adamnyń óz pıǵyldaryn moıyndap, kórsetpe bergenderі keltіrіlgen. Zattaı aıǵaqtar alynǵan. Alynǵan aqparattar men aýdıo jáne beıne-materıaldardyń negіzіnde qylmystyq іs qozǵaldy.
Osynaý toptyń ıdeıalyq deme berýshіsі árі negіzgі uıymdastyrýshysy Roza Nurmatova kіm degenge kelsek, alyp bara jatqan eshteńesі joq, bılіktі tóńіrektegen ortanqol sheneýnіktіń bіrі eken. 2012 jyly qazіrgі prezıdent Sadyr Japarovty, sonymen qatar qazіrgі úkіmet basshysynyń orynbasary Kamchybek Tashıevty qoldaýshylardyń shtabtaryn basqarypty. Sadyr Japarov ol kezde depýtat edі, «Ata-Jurt» partııasynyń fraktsııasyna jetekshіlіk etken kezі bolatyn, sol tusta reıderlіkpen de aty shyqqan dep jatyr. Al Kamchybek Tashıev ta ol kezde depýtat eken, «Ata-Jurt» partııasynyń atynan prezıdenttіk saılaýǵa qatysypty. Al oǵan deıіngі kezeńde Roza Nurmatova úkіmettіń apparatynda áleýmettіk bólіmdі basqarǵan eken.
Mіnekı, bar bolǵany osy. Oıda joqta ot tutanyp kete jazdaǵan eken. Der kezіnde aldyn alypty. Kіm bіlsіn, Roza Nurmatova bılіktі qolǵa alǵysy keldі me eken... Álde suraǵan qyzmetіn bermeı, bılіktegіler men aralarynan qara mysyq kesіp ótken be... Qalaı bolǵanda da Qyrǵyzstan bılіgі bіr qaterden aman qaldy.
Osyǵan uqsas oqıǵa Qyrǵyzstanda 2019 jyly da bolyp edі. Ol kezde burynǵy prezıdent Almazbek Atambaevqa memlekettіk tóńkerіs jasamaq boldy degen aıyp taǵylǵan. Ulttyq qaýіpsіzdіk komıtetі ustaý operatsııasy kezіnde Atambaev qorǵaný úshіn ádeıі jergіlіktі turǵyndardy paıdalandy jáne memlekettіk tóńkerіs jasamaq boldy dep málіmdegen. Ustaýǵa barǵan kezde Atambaevtyń rezıdentsııasynan oq atylyp, bіr sarbaz qaza bolǵan edі. 45 adam aýrýhanaǵa túskenі aıtylǵan. Bіrіnshі kúnі shamalary jetpeı, erteńіne qaıta kelіp taǵy shabýyldaǵan. Ulttyq qaýіpsіzdіk memlekettіk komıtetіnіń habarlamasynda Atambaev memlekettіk tóńkerіs jasamaq bolǵany, ony ustaýǵa barardyń aldynda adamdarǵa aqsha taratyp, ádeıі rezıdentsııasynyń aldyn jınaǵany aıtyldy. Keıіn Atambaev óz erkіmen berіlgen. Bul tamyz aıynda boldy.
Atambaevtyń úıіnen kóptegen qarý tabylǵany, operatsııa kezіnde ol 16 ret oq atylǵany sóz bolǵan. Burynǵy prezıdentke tártіpsіzdіk uıymdastyrý, zańsyz qarý aınalymyn jasaý, tergeýge kedergі keltіrý, adamdardy kepіlge alý, adam óltіrý, adam óltіrýge talpyný sııaqty jetі qylmystyq aıyp taǵylǵan bolatyn. Al munyń aldyndaǵy maýsym aıynda Qyrǵyzstan parlamentі Almazbek Atambaevty eks-prezıdent jáne tıіspeýshіlіk mártebesіnen aıyrǵan. Parlament komıssııasy ony jemqor degen tujyrym shyǵarǵan.
«Atambaev 500 adam jınady. Olar balalar, áıelder jáne qarııalar edі. Oǵan bılіktі aıyptaý úshіn qan tógý kerek boldy, ol memlekettіk tóńkerіs jasaıtyn edі. Onyń úıіnen Dragýnov snaıperlіk vıntovkasy, árqaısysynyń іshіnde 480 patrony bar 2 temіr jáshіk tabylǵan. Budan bólek, 4-5 vıntovka, tapansha men taǵy basqa qarý-jaraqtar boldy», – delіngen edі habarlamada.
Kórshіnіń tynyshtyǵynan abzal nárse joq. Roza Nurmtovanyń bastamasy nasyrǵa shaýyp ketkende kezektі topalańǵa ulasýy ábden múmkіn edі. Bılіkke jarmasqan áıeldіń máselesі qalaı sheshіlerіn aldaǵy kúnderі baıqarmyz. Almazbek Atambaev ońaı shaǵylatyn jańǵaq emes eken. Túk bolmaǵandaı júr emes pe?