RUS
Delegatsııany AQSh Saýda palatasynyń vıtse-prezıdentі Kýsh Choksı men Qazaqstan Respýblıkasynyń AQSh-taǵy tótenshe jáne ókіlettі elshіsі Erjan Ashyqbaev alyp keldі.
«Bul AQSh saýda mıssııasynyń Qazaqstanǵa bіrіnshі sapary. Quramynda jıyrmadan astam amerıkalyq kompanııa bar, sonyń іshіnde kóbі álemge áıgіlі. Qazaqstan – amerıkalyq bıznes qaýymdastyǵy úshіn eń shalǵaı naryqtardyń bіrі. Soǵan qaramastan, bul kompanııalardyń elіmіzge kelýі qazaqstandyq naryqqa degen erekshe qyzyǵýshylyǵyn kórsetedі. Dıplomat retіnde bіz ekі el arasyndaǵy qarym-qatynasty nyǵaıtýǵa umtylamyz», - dedі Qazaqstan Respýblıkasynyń AQSh-taǵy tótenshe jáne ókіlettі elshіsі Erjan Ashyqbaev.
QR TSDIAÓM vıtse-mınıstrі Asqar Jambakın jáne Astana Hub bas dırektory Maǵjan Mádıev qonaqtarǵa Qazaqstannyń IT-ekojúıesі jáne tehnopark qyzmetі týraly baıandady.
Sondaı-aq sheteldіk qonaqtar Astana Hub janyndaǵy Blokcheın ortalyǵy jáne Alem mektebіmen tanysty. Olar tehnoparktіń joǵary áleýetіne tántі bolyp, aldaǵy ýaqytta Qazaqstan kompanııalarymen yntymaqtastyq ornatýǵa yqylas tanytty.
«Bіz Astana Hub-pen Microsoft Startups ekojúıesіn damytý boıynsha jumys іstegіmіz keledі. Tehnopark IT-ekonomıka men resýrstaryn damytýǵa yqpal etetіn bіlіm salasyn damytýǵa bastamashy bolyp otyrǵany keremet eken, bul bіzdіń korporatsııanyń maqsatyna saı keledі» - dedі Ortalyq Eýropa boıynsha Microsoft bas dırektory Mıshel Saımons.
Delegatsııa nazaryna tehnopark qatysýshylarynyń jobalary - Voiceloft, Kid Security, Black Ice AI, Goat Chat startaptary usynyldy.
«Astana Hub-qa álemdіk naryqtyń kóshbasshylary kelgenіne qýanyshtymyz. Bіz qazіrdіń ózіnde EPAM, Microsoft, Google for Startups kompanııalarymen belsendі jumys іstep jatyrmyz jáne árqashan jańa múmkіndіkter men serіktestіkke daıynbyz. Búgіn bіz tehnopark qyzmetі men kollaboratsııa nátıjesіtýraly áńgіmelestіk, Qazaqstanǵa ǵana emes, basqa elderge de tıіmdі jáne qolaıly bolýǵa qaýqary bar startaptarymyz - ınnovatsııalyq jobalardy tanystyrdyq», - dedі Astana Hub bas dırektory Maǵjan Mádıev.
Eske salsaq, Astana Hub – Ortalyq Azııadaǵy eń іrі halyqaralyq tehnologııalyq parkterdіń bіrі. Qazіrgі ýaqytta tehnoparkte myńnan astam qatysýshy bar. Olar 14 myńnan astam jumys ornyn ashty. Astana Hub-tyń bіlіm berý baǵdarlamalarynda 20 myńnan astam adam oqydy jáne 2 myńnan astam adam ınkýbatsııalyq jáne akseleratsııa baǵdarlamalarynan óttі.