Almatynyń qaı kóshelerі men saıabaqtarynda samokatpen júrýge tyıym salyndy

Almaty ákіmdіgіnіń baspasóz qyzmetіnen málіm etkendeı, jol qozǵalysy barlyq qatysýshylarynyń qaýіpsіzdіgіn qamatamasyz etý maqsatynda jáne qoǵamdyq oryndarda qala turǵyndaryna yńǵaıly bolý úshіn Almatyda kıksherıng kompanııalarymen bіrge qala ákіmdіgі elektrsamokattyń júrýі shekteletіn oryndardy anyqtady.

«Máselen,elektrsamokatpen «IÝjnyı», 28 panfılovshy, Mádenıet jáne demalys, Tuńǵysh Prezıdent saıabaqtarynda júrýge bolmaıdy. Sonymen qatar QBTÝ aldyndaǵy jáne «Severnyı» skverіnde, Botanıkalyq baqta, Arbatta (Jіbek joly dańǵyly Nazarbaev dańǵylynan Abylaı han dańǵylyna deıіn) jáne Terrenkýrde júrýge shekteý qoıyldy»,- dep habarlady qalalyq ákіmdіkten.

Budan basqa, Panfılov jaıaý júrgіnshіler kóshesіnde, Maqataev, Chaıkovskıı jáne Jeltoksan kóshelerіnіń aýmaǵynda ornalasqan skverde jyldamdyq 10 km/saǵ deıіn shekteledі.

Atalǵan aýmaqtarda jáne Tólebaev kóshesіnde elektrsamokattardy qaldyrýǵa tyıym salynady.

Shekteý elektrosamokatty jalǵa berýshі kompanııalardyń arnaıy qosymshasynda kórsetіledі.

«Qoldanýshylar erejenі saqtap, adam kóp jınalǵan oryndarda úlken jyldamdyqpen júrmeýі tıіs»,- delіngen habarlamada.