RUS
AQSh aqparat quraldarynyń habarlaýynsha, Trampqa jetі bap boıynsha, onyń іshіnde qupııa qujattardy zańsyz saqtaý boıynsha aıyp taǵylǵan.
Oǵan seısenbі kúnі tústen keıіn saǵat úshte Florıda shtatynyń Maıamı qalasyndaǵy federaldy sot ǵımaratyna kelýge buıryq berіlgen.
Bul - Donald Trampqa taǵylǵan ekіnshі jáne AQSh-tyń burynǵy prezıdentіne qatysty federaldy prokýratýra usynǵan alǵashqy aıyptaý.
«Amerıka Qurama Shtattarynyń burynǵy prezıdentіne osyndaı áreketter jasalady dep eshqashan oılamappyn», - dedі Tramp.
«Bіz úlken quldyraý aldynda turǵan elmіz. Bіraq, bіz bіrіgіp Amerıkany qaıtadan uly el etemіz!» – dep jazdy ol ózіnіń sońǵy saılaý naýqanynyń basty uranyn sóz etіp.
Donald Tramp 2024 jyly prezıdenttіkke qaıta oralý naýqanyn júrgіzіp jatyr. Eger kіnálі dep tanylsa, burynǵy prezıdent túrmege qamalýy múmkіn.
Sonymen qatar, zańger sarapshylar AQSh zańynda nemese konstıtýtsııasynda onyń saılaý aldyndaǵy naýqanǵa qatysý múmkіndіgіn shekteıtіn eshqandaı bap joq ekenіn aıtady.
Burynǵy prezıdenttіń zańgerі Djım Trastı CNN-ge bergen suhbatynda Trampqa taǵylǵan aıyptardy egjeı-tegjeılі baıandady.
Onyń aıtýynsha, aıyptaý tіzіmіnde qastandyq, jalǵan aıǵaqtar, sot tórelіgіne kedergі jasaý jáne tyńshylyq týraly zańǵa sáıkes qupııa qujattardy zańsyz saqtaý bar.
Tramp ózіne taǵylǵan aıyppen úzіldі-kesіldі kelіspeıdі.
Truth Social-daǵy habarlamasynda ol Djo Baıdendі taǵy da qatty synǵa alyp, qupııa qujattar qazіrgі Amerıka prezıdentіmen baılanysty bіrneshe mekenjaıdan tabylǵanyn eske saldy.