RUS
Búgіn tańerteń Básekelestіktі qorǵaý jáne damytý agenttіgі «Eır Astana» AQ-da tekserý júrgіzgenіn, onyń qorytyndy materıaldary sotqa joldanyp, sot kompanııaǵa 6,7 mlrd teńge aıyppul salǵanyn habarlaǵan edі.
Agenttіk málіmetіnshe, Air Astana áýe kompanııasy áýetasymal naryǵyndaǵy ústem jaǵdaıdy terіs paıdalanǵan.
Osyǵan baılanysty Air Astana málіmdeme jasady.
«Kompanııa qurylǵan kúnіnen bastap óz qyzmetіn Qazaqstan zańnamasyna saı júzege asyryp keledі. Áýekompanııada monopolııalyq joǵary baǵa belgіleý faktіlerіn anyqtaý úshіn júrgіzіlgen kóptegen tergeý men tekserý tasymaldaýshynyń jumysynan kemshіlіk tapqan joq. Agenttіk júktegen quqyq buzýshylyq tek qana otyn alymyn óndіrіp alýǵa qatysty jáne negіzsіz. Eń aldymen, áýekompanııanyń otyn alymyn alýy - zańdy quqyǵy. Bul «Áýe keńіstіgіn paıdalaný týraly» QR Zańynda qarastyrylǵan. Búgіngі tańda atalǵan norma qoldanylady, bul jaıynda agenttіktіń ózі de bіrneshe márte málіmdegen» dep habarlady kompanııanyń baspasóz qyzmetі.
Sonymen qatar, ákіmshіlіk sotta іs qaralyp jatqanda kóptegen protsessýaldyq quqyq buzý faktіlerі bolǵan.
Áýe kompanııasy sot aktіsіne shaǵym beredі.
«Al agenttіk jaýapkershіlіkke tartý tártіbіn buzdy, bul Astana qalasy MAÁS-tyń agenttіk áreketterіn/áreketsіzdіgіn zańsyz dep taný týraly (zańdy kúshіne enbegen) sheshіmіmen rastalady» deıdі Air Astana.