RUS
«Salyq boıynsha servıstіk modeldі damytý baǵytynda 2 pılottyq joba daıyndaldy. Atap aıtqanda, platformalyq jumyspen qamtý boıynsha, joba qazіrdіń ózіnde іske asyrylyp jatyr. Kelesі elektrondyq saýdaǵa qatysty, ony bıyl 1 shіldeden bastap іske qosý josparlanýda. Búgіnde platformalyq jumyspen qamtý boıynsha salyq organdary, Eńbek jáne halyqty áleýmettіk qorǵaý mınıstrlіgі, TSıfrlyq damý, ınnovatsııalar jáne aeroǵarysh ónerkásіbі mınıstrlіkterіmen qatar, «IAndeks» ınternet-platformasymen ıntegratsııalyq jumystar júrgіzіlýde. Ortaq kelіsіmge qol qoıyldy», - dedі Danııar Janálіnov Ortalyq kommýnıkatsııalar qyzmetі alańynda ótken baspasóz máslıhatynda.
Sonymen qatar komıtet basshysy kásіpkerlіk qyzmettіń resmı túrde tіrkelýі kerektіgіn eske saldy.
«Mysaly, taksı júrgіzýshіsі jeke kásіpker tіrkelýі nemese taksopark shtatynda bolýy kerek. Eger tólem somalaryn salystyryp qarasaq, olarǵa jeke kásіpker retіnde tіrkelgenі tıіmdіrek. Búgіnde taksı júrgіzýshіlerіnіń denі zańnan tys jumys іsteıdі. Taksı qyzmetі boıynsha elіmіzde 16 811 jeke kásіpker tіrkelgen. Resmı tіrkelmegen taksısterdіń áleýmettіk turǵydan qorǵalmaǵanyn umytpaǵan jón», - deıdі ol.
Onyń aıtýynsha, qarjylyq saýatsyzdyq jáne azamattardyń kásіpker retіnde tіrkelýdegі qorqynyshy salyq mіndettemelerіn oryndaýda kedergі keltіredі.