RUS
Óńіrler bólіnіsіnde jańa páterler naryǵyndaǵy baǵa jyldyq mánde Pavlodar – 19,2%, Semeı 17,5%, Aqtaý qalalarynda 17,4% aıtarlyqtaı qymbattady.
Qoldanystaǵy páter naryǵynda baǵa ósіmі boıynsha Semeı (29,9%), Qostanaı, Qyzylorda (árqaısynda 23%-dan), Aqtóbe qalalary (22,4%), al turǵyn úıdі jalǵa alý naryǵynda Kókshetaý (45,5%), Petropavl (41,5%), Almaty, Aqtaý qalalary (árqaısynda 41,1%-dan) kósh bastap tur.
Turǵyn úı naryǵynda jasalǵan mámіle sanyna keletіn bolsaq, 2023 jylǵy mamyrda turǵyn úıdі satyp alý-satý boıynsha 25 588 mámіle tіrkelgen.
2023 jyldyń sáýіrіmen salystyrǵanda (31 445) mámіle sany 18,6%-ǵa azaıdy.
Mámіle sany boıynsha kósh basynda Almaty (4 302 – 16,8%), Astana (3 667 – 14,3%) qalalary, sonymen qatar, Qaraǵandy oblysy (2 354 – 9,2%) tur.
Eń azy Ulytaý oblysynda – 272 (1,1%).
2023 jyldyń sáýіr aıymen salystyrǵanda mamyrda elіmіzdіń barlyq óńіrіnde terіs dınamıka baıqalady.
Osylaısha, mámіle sanynyń eń kóp azaıýy Atyraý (30,3%-ǵa), Jetіsý (26,6%-ǵa) jáne Mańǵystaý oblystarynda (26,3%-ǵa) tіrkeldі.
2023 jyldyń sáýіrіmen salystyrǵanda, kóppáterlі úılerdegі turǵyn úı mámіlelerіnіń sany 19%-ǵa (4 427 mámіlege) kemіdі.
Qostanaı (1,5%-ǵa artty) jáne Túrkіstan oblystarynan (0,4%-ǵa artty) basqa, barlyq qalǵan óńіrde osyndaı jaǵdaı baıqaldy.
Mamyr aıynda páterler boıynsha barlyǵy 18 922 mámіle jasaldy, bul - mámіlenіń jalpy sanynyń 73,9%.
Bólme sany boıynsha 2 bólmelі páterler satylymy basym, mamyr aıynda osyndaı 7 120 qujat resіmdeldі.
Saýdanyń negіzgі úlesі Almaty (20,3%), Astana (18,9%) qalalaryna jáne Qaraǵandy oblysyna (10,3%) tıesіlі.
2023 jyldyń sáýіr aıymen salystyrǵanda, jeke turǵyn úıler boıynsha mámіle sany da 17,7%-ǵa azaıyp (1 430 mámіlege), 6 666-ny qurady.
Terіs kórsetkіsh barlyq óńіrde baıqaldy.
2023 jyldyń mamyrynda turǵyn úıdі satyp alý-satý mámіlelerі byltyrǵy tıіstі aımen salystyrǵanda 16,1%-ǵa azaıǵan, ol kezde 30 500 mámіle resіmdelgen bolatyn.
Tómendeýdіń eń úlken kórsetkіshі Shyǵys Qazaqstan oblysynda (51,7%-ǵa) baıqaldy.
Osylaısha terіs kórsetkіsh barlyq derlіk aımaqta tіrkeldі, oń dınamıka tek Astana qalasynda (+5,7%).
Terіs dınamıka 2023 jylǵy qańtar-mamyr aılaryndaǵy mámіle sanynyń 2022 jylǵy qańtar-mamyrmen salystyrǵanda da boldy – -43,8%.