Syrym Shárіphanov Tótenshe jaǵdaılar mınıstrі qyzmetіne taǵaıyndaldy
Memleket basshysynyń Jarlyǵymen Syrym Dúısenǵazyuly Shárіphanov Qazaqstan Respýblıkasynyń Tótenshe jaǵdaılar mınıstrі laýazymyna taǵaıyndaldy, dep habarlaıdy Aqordanyń baspasóz qyzmetі.
1967 jyly 1 mamyrda Almaty qalasynda dúnıege kelgen.
1991 jyly Qazan qalasyndaǵy M.Chıstıakov atyndaǵy Zymyran áskerlerіnіń joǵary áskerı komandalyq-ınjenerlіk ýchılıshcesіn támamdady. Tehnıka ǵylymdarynyń doktory, general-maıor.
Eńbek jolynda azamattyq qorǵanys júıesіnde túrlі laýazymdar men basshylyq qyzmetterdі atqardy.
1997 jylǵy maýsymnan 1999 jylǵy aqpanǵa deıіn – Jambyl oblystyq tótenshe jaǵdaılar basqarmasynyń Daıyndyq jáne oqytý ortalyǵynyń bastyǵy.
2008 jylǵy qyrkúıekten 2010 jylǵy aqpanǵa deıіn – Almaty qalasy Tótenshe jaǵdaılar departamentі Azamattyq qorǵanys basqarmasynyń bastyǵy.
2014 jylǵy qazannan 2020 jylǵy qarashaǵa deıіn – Qazaqstan Respýblıkasy Ishkі іster mınıstrlіgі Tótenshe jaǵdaılar komıtetіne qarasty Kókshetaý tehnıkalyq ınstıtýtynyń bastyǵy.
2021 jyldyń 3 qyrkúıegіnen búgіnge deıіn – Qazaqstan Respýblıkasy Tótenshe jaǵdaılar mınıstrlіgіne qarasty Málіk Ǵabdýllın atyndaǵy Azamattyq qorǵaý akademııasynyń bastyǵy qyzmetіn atqardy.