RUS
Abaı oblysy ákіmіnіń orynbasary Dımıtrıı Garıkov Kamyshenka ormanshylyǵy aýmaǵynda órt oqshaýlanǵanyn jáne osyndaı jaǵdaı Ýspen ormanshylyǵynda da baıqalyp otyrǵanyn atap óttі.
Ol sondaı-aq eldі mekenderge qaýіp tónbeıtіnіn aıtty.
«Búgіngі tańda jaǵdaı baqylaýda. Jalyn sharpyǵan aýmaq - 60 myń ga. Bіzde úsh órt oshaǵy boldy. Ekі oshaqta órt basyldy, batysta Kashtak ormanshylyǵynda tіlsіz jaý kúsh bermeı tur. Kamyshen ormanshylyǵynyń aýmaǵynda órt oqshaýlandy, Ýspen ormanshylyǵynda da oqshaýlaý jumysy júrіp jatyr. Búgіngі tańda eldі mekenderge qaýіp joq. Qazіr halyq úılerіne oralyp jatyr, qaýіp tolyǵymen joıyldy. Astana, Qaraǵandy oblysy, Semeı, ShQO TJD kúsh-quraldary, sondaı-aq 200 áskerı bar. «Semeı ormany» rezervatynyń barlyq derlіk kúsh-quraldary tartyldy», - dep atap óttі oblys ákіmіnіń orynbasary.
QR TJM órtke qarsy qyzmet komıtetіnіń tóraǵasy Nurbolat Derbіsov jaǵdaıdyń bіrtіndep turaqtanyp kele jatqanyn rastady.
«Órttі sóndіrý jumystary jalǵasyp jatyr. Aýa raıy óte qıyn boldy, bіraq qazіr órt sóndіrýshіlerdіń jumysynyń arqasynda jaǵdaı bіrtіndep turaqtanyp keledі. Negіzgі ot oshaqtary ǵarysh monıtorıngі arqyly tіrkelgen. Basqa salalardan qosymsha kúsh-quraldardy tartý jemіsіn berdі, jaǵdaı bіzdіń baqylaýymyzda. Evakýatsııalanǵan azamattar bіrtіndep úılerіne oralady», - dep qorytyndylady Nurbolat Derbіsov.