Endі elіmіzde quqyǵy saqtalmaǵan múmkіndіgі shekteýlі adamdar BUU-ǵa shaǵym túsіre alady
Memleket basshysy Qasym-Jomart Toqaev «Múgedekterdіń quqyqtary týraly konventsııaǵa fakýltatıvtіk hattamany ratıfıkatsııalaý týraly» QR Zańyna qol qoıdy, dep habarlaıdy smartnews.kz saıty.
«Múgedekterdіń quqyqtary týraly konventsııaǵa 2006 jylǵy 13 jeltoqsanda Nıý-Iorkte jasalǵan fakýltatıvtіk hattama ratıfıkatsııalansyn», - delіngen Prezıdent qol qoıǵan qujattyń mátіnіnde.
Endі zań talabyna saı, atalǵan qujat Bіrіkken ulttar uıymynyń Múmkіndіgі shekteýlі adamdardyń quqyqtary jónіndegі komıtetіne jіberіledі. Keıіn ony uıymnyń keńesі qarap, Qazaqstan tarapynan ótіnіshterdі qabyldaýǵa ruqsat beredі. Sodan soń ózіnіń quqyǵy buzyldy dep esepteıtіn múmkіndіgі shekteýlі Qazaqstan azamaty BUU-nyń jaýapty komıtetіne aryz-shaǵym túsіre alady.
Toqtala ketsek, jalpy elіmіz «Múgedekterdіń quqyqtary týraly» konventsııaǵa buryn qosylǵan. Degenmen oǵan іlespe fakýltatıvtіk hattamany ratıfıkatsııalaǵan joq. Al, hattama maquldanbasa, qazaqstandyqtardyń aryzyn BUU qaramaıdy.