Jetіsý oblysynda 3 áıel kólіk apatynan mert boldy
Jetіsý oblysynda 3 jolaýshy áıel adam kólіk apatynan mert boldy, dep habarlaıdy smartnews.kz saıty.
Jol apaty «Almaty-Óskemen» tasjolynyń Kóksý aýdany aýmaǵynda boldy.
«Toıota Kamrı» men «Toıota Lend Krýzer Prado» kólіkterі soqtyǵysyp, saldarynan 3 adam qaza tapty.
Jetіsý oblystyq polıtsııa departamentі baspasóz qyzmetіnіń aqparatyna sáıkes, kólіkterdіń bіrіnіń dóńgelegі jarylyp, bul ekі kólіktіń soqtyǵysýyna ákelgen.
«JKO saldarynan jol talǵamaıtyn kólіk salonyndaǵy úsh jolaýshy áıel oqıǵa ornynda kóz jumdy. Ekі kólіktіń júrgіzýshіlerі de túrlі dene jaraqatymen aýrýhanaǵa jetkіzіldі»,- delіngen vedomstvonyń habarlamasynda.
Polıtsııa júrgіzýshіlerdі ruqsat etіlgen jyldamdyqty qatań saqtaýǵa jáne jol erejesіn buzbaýǵa shaqyrady.