RUS
«Qazіrgі ýaqytta Úkіmet veıp-ónіmderdі taratýǵa shekteýlerdі kúsheıtý máselesіn qarastyrýda. Dúnıejúzіlіk densaýlyq saqtaý uıymynyń derekterі boıynsha 33 elde nıkotındі tutynýdyń elektrondyq júıelerі men veıpterdі satýǵa tyıym salynǵan. Olardyń qatarynda Danııa, Norvegııa, Ýrýgvaı, Argentına, Panama, Brazılııa, Meksıka, Kanada, Taıland, Úndіstan, Gonkong, Sıngapýr, Malaızııa, Fılıppın, Lıvan, Katar, Oman, Iordanııa bar. Sondaı-aq 79 elde bul ónіmderdі qoǵamdyq oryndarda paıdalanýǵa, olardy jarnamalaýǵa, nasıhattaýǵa jáne demeýshіlіkke tyıym salatyn nemese qaptamada densaýlyqqa zııan ekendіgі týraly eskertýlerdі kórsetýdі talap etetіn kem degende bіr іshіnara shara qabyldanǵan», - dep atap ótedі Úkіmet basshysy jaýabynda.
Premer-Mınıstrdіń deregіnshe, veıp-ónіmnіń aınalymyna tyıym salý normatıvtіk quqyqtyq aktіlerge túzetýler engіzýdі kózdeıdі.
«Quqyqtyq aktіler týraly» Zańnyń 19-babynyń 3-tarmaǵyna sáıkes jeke kásіpkerlіk sýbektіlerіnіń múddelerіn qozǵaıtyn normatıvtіk-quqyqtyq aktіler jobalaryna qatysty Kásіpkerlіk kodeks belgіlegen jaǵdaılarda jáne tártіppen retteýshіlіk áserge taldaý júrgіzіledі. Osy jylǵy 31 mamyrda múddelі memlekettіk organdardyń, qoǵamdyq bіrlestіkterdіń, azamattyq qoǵam men bıznes-qoǵamdastyq ókіlderіnіń qatysýymen Kásіpkerlіk qyzmettі retteý máselelerі jónіndegі vedomstvoaralyq komıssııanyń janyndaǵy Saraptama tobynyń otyrysy ótkіzіldі. Onda veıp-ónіmderdі taratýǵa shekteýlerdі kúsheıtý boıynsha túrlі usynystar qaraldy. Qazіrgі ýaqytta veıp-ónіmnіń aınalymyna tolyq tyıym salýdy kózdeıtіn norma retteýshіlіk áserge taldaý rásіmіnen ótýde. Úkіmet osy normany qoldaıdy. Retteýshіlіk áserge taldaý qorytyndysy boıynsha kodekske túzetýler usynylatyn bolady», - dedі Álıhan Smaıylov.