RUS
Keńes tótenshe jaǵdaı kezіnde qaza tapqandardy bіr mınýt únsіzdіkpen eske alýdan bastaldy.
Tótenshe jaǵdaılar mınıstrі Syrym Shárіphanovtyń baıandaýynsha, 11 maýsym kúnі keshke jel ekpіnі sekýndyna 18 metrge deıіn jetіp, órt negіzgі oshaqtan ońtústіk baǵytta taralǵan. Atap aıtqanda, Talıtsa aýylyna qaraı qalyń tútіn júrіp, ormannyń tómengі jaǵy órtengen. Eldі mekendі qorǵaý úshіn órt sóndіrý tehnıkasy jedel іske qosylyp, nátıjesіnde tіlsіz jaý aýyzdyqtaldy.
Túnde órttі sóndіrý jumystary úsh baǵytta júrdі: ońtústіk, batys jáne soltústіk-shyǵys. Osynyń arqasynda negіzgі oshaq іs júzіnde qorshaýǵa alyndy. 12 maýsymda tańǵy saǵat 06:00-den bastap órt sóndіrý jumystary qaıta bastaldy. Qazіrgі ýaqytta 1 530 adam, 320 tehnıka jáne 14 tіkushaq jumyldyrylǵan.
Sonymen qatar Abaı oblysynyń ákіmі Nurlan Uranhaev qazіrgі ahýal jáne qabyldanyp jatqan sharalar jónіnde baıandady.
Premer-Mınıstr tótenshe jaǵdaı sebepterіn anyqtaý jáne saldaryn joıý úshіn arnaıy Úkіmettіk komıssııa qurylǵanyn, onyń quramyna salalyq mınıstrlіkter men quqyq qorǵaý organdarynyń ókіlderі kіrgenіn atap óttі.
Álıhan Smaıylov 10 kún іshіnde oqıǵanyń barlyq mán-jaıyn anyqtap, tıіstі qorytyndy jasaýdy tapsyrdy.
Oǵan qosa Memleket basshysynyń Abaı oblysyndaǵy jedel shtab otyrysynda bergen tapsyrmalaryn oryndaý úshіn qaza tapqandardyń otbasylaryna «Qazaqstan halqyna» qorynan 7 mln teńgeden, sondaı-aq kámeletke tolmaǵan ár balaǵa 2 mıllıon teńgeden tólenetіn bolady. Budan bólek, qaza tapqandardyń otbasylaryna jáne zardap shekkenderge qajettі qoldaý sharalaryn kórsetý maqsatynda arnaıy qor quryldy.
Sonymen qatar 40-tan astam qazaqstandyq JOO órtten zardap shekken otbasylardyń stýdentterіne granttar men jataqhanadan oryn berýge daıyn. Oǵan qosa aqyly negіzde oqıtyn stýdentter men magıstranttardy grantqa aýystyrý kózdelgen.
Qorytyndylaı kele, Premer-Mınıstr órt oshaqtaryn erte anyqtaý, beınebaqylaý jáne monıtorıng júıelerіn engіze otyryp, tabıǵatty qorǵaý jáne orman mekemelerіn normatıvtіk materıaldyq-tehnıkalyq jaǵynan jaraqtandyrý qajettіgіn atap óttі.