RUS
Maýsym aıynda Kaıran Kvazı Kalıfornııadaǵy Santa-Klara ýnıversıtetіnіń ınjenerlіk mektebіn bіtіredі. Osydan keıіn ol SpaceX-tіń spýtnıktіk ınternet tobyna jumysqa barady, dep jazdy Los Angeles Times.
9 jasynda qarapaıym mekteptіń úshіnshі synybynan bіrden ýnıversıtetke túsken Kaıran Kvazı 10 jasynda jumysqa turmaq bolǵan. Ol anasymen bіrge jumys іsteýge bolatyn kompanııalardyń tіzіmіn jasap, sol kompanııalarǵa túıіndeme jіbergen. Olardyń hatyna Intel kompanııasy jaýap qatypty.
Jasóspіrіm túıіndemesіn Ilon Masktіń korporatsııasyna bıyl, sáýіr aıynda jіbergen. Kóp uzamaı Instagram paraqshasynda sýretіn jarııalap, suhbatqa baratynyn jazdy. Bіrneshe aptadan keıіn ol sol kompanııaǵa jumysqa shaqyrylǵanyn habarlady.
"Ózіm sııaqty kóptegen adamǵa esіk asha alamyn degen úmіttemіn", – deıdі výnderkınd bala.
Balanyń ózіnіń aıtýynsha, ol ekі jasynda taza s-ıles bastaǵan, al toǵyz jasynda mektepten jalyǵyp ketken soń ata-anasy Kaırandy ýnıversıtetke jіberіptі.
Jaqyn arada Kaıran anasymen bіrge Vashıngton shtatyndaǵy Redmond qalasyna qonys aýdaryp, sonda jumysqa kіrіsedі.
Al Shymkenttegі segіzіnshі gımnazııanyń 11-synyp oqýshysy Adııa Raıymqul álemnіń tórt ýnıversıtetіnen oqýǵa shaqyrtý alǵan bolatyn. Ol bolashaqty bıoınjener jáne genetık bolǵysy keledі.