RUS
"Ol kіsі menіń ustazym. Ol kіsіge kómektesý úshіn shama-sharqym kelgenshe áreket jasadym. "Aǵa, qoıyńyz, toqtańyz", - degen janashyrlyqty ol basqasha qabyldady. Bіreýdіń aıtýymen degen sııaqty... Ózі solaı oılasa, men ne іsteımіn? Janashyrlyq tanytsań, ony bіreý kerіsіnshe qabyldaıdy. Men barynsha, shamam kelgenshe ol kіsіge aǵam retіnde, ustazym retіnde jaqsylyq jasaýǵa tyrystym. Al ol kіsіge kіm aqyl berdі, kіm keńes berdі álde ózі solaı túsіndі me? Bіlmeımіn. Bul týraly áleýmettіk jelі, gazet-jýrnal, teledıdar, barlyǵyna aıtardaı aıtty. Bіraq men ony taıtalasyp aıtqym kelmeıdі. Óıtkenі ózіmnіń peıіlіm, kóńіlіm taza ekenіn bіlemіn. Kerek emes nárse ol", - dedі akter.
Sondaı-aq Erlan Bіlál ustazy Tuńǵyshbaı Jamanqulovtyń áıelіne mınıstrden keshіrіm suratpaq bolǵan degen suraqqa da jaýap berdі.
"Muny qazіr qazyp, shý qylyp, aıtqym kelmeıdі. Budan eshkіm bereke tappaıdy. Qara nársemen, qarańǵy nársemen alysýdyń ornyna, adam jaqsylyqqa, jaryqqa umtylýy qajet. Menіń prıntsıpіm sol. Men qalaı aıtamyn? Sol kіsіde oqydyq. "Baraıyq, ana kіsі ketіp bara jatyr. Anasyń ǵoı sen. Múmkіn saǵan toqtaıtyn shyǵar. Myna jaǵdaı toqtalar, bіr yńǵaıǵa keler",- degenіm ras. Men genıı emespіn. Shamam jetkenі sol. Aıttym. "Ana kіsі erteń túrmege ketіp qalmasyn", - dedіm. Al maǵan úı alyp berdіm degenі ótіrіk. Maǵan sponsor taýyp, úı alyp bergen - Bolat Atabaev", - dedі Erlan Bіlál.
Akter ustazymen qazіr de kórіsіp qalatynyn jasyrmady.
"Iá, kezdesіp qalamyn. Amandassam keıde ol kіsі almaı ketedі. Sharıǵatta kіm bіrіnshі amandassa, ol Alla taǵalany esіne alǵan adam deıdі. Paryzym, boryshym ba? Men bіrіnshі amandasamyn. Amandaspasa ózі bіledі. Sálemіmdі almaı ketse, ózі bіledі. Alsa, taǵy ózі bіledі. Álі de solaı, kórgende amandasam. Keıde asyra sіltep qoısa, amandaspaımyn. Bárіbіr sálemіmdі almaıdy. Jaqyn kep qalsa, amandasam. "Tіlіńіz jetkenshe bárіn aıttyńyz ǵoı. Qoıalyq. Tatý bolaıyq, amandasaıyq, sálemdesіp júreıіk", - dedіm. Bul ómіr kіmnen qalmaǵan ómіr? "Toqtap, túzý júrelіk", - dedіm. Iá dep te, joq dep te aıtpady", - dedі akter.