RUS
«Túrlі sebepterge baılanysty 2010 jyldan bastap Taldyqorǵan qalasynda úı alý úshіn kezek kútkender sany 15 myńǵa jýyqtady. Sońǵy 3-5 jylda jeke turǵyn úı qurylysyna bіrde-bіr jer ýchaskesі bólіngen joq. Budan basqa, barlyq óńіrler 2016-2017 jyldardan bastap «KEZEKTE» elektrondyq bazasynyń jańa tártіbіmen jumys іsteı bastady. Al bіzdіń óńіrde, ıaǵnı Taldyqorǵanda 2021 jyldyń aıaǵynan 2022 jyldyń basyna deıіn kezekke qoıý 19 sanat boıynsha júrgіzіldі. Atap aıtqanda, kezek kútkender elektrondyq bazaǵa engіzіlmedі. Al «KEZEKTE» boıynsha elektrondyq bazalar tek 6 sanat boıynsha ǵana júrgіzіledі. Nátıjesіnde osyndaı túsіnіksіz jaǵdaı boldy», - dep túsіndіrdі Beıbіt Isabaev Ortalyq kommýnıkatsııalar qyzmetіnde ótken brıfıngіde.
Osyǵan baılanysty kezek retі saqtalmaı, adamdardyń kezegі keıіnge syrǵyǵan. Saldarynan qala turǵyndary narazylyq bіldіrіp, másele kótere bastady. Sonymen qatar, tekserý kezіnde Taldyqorǵanda 1218 páterdіń zańsyz berіlgenі belіgіlі boldy.
«Eń ókіnіshtіsі zań talaptaryn saqtamaǵandardyń arasynda memlekettіk qyzmetshіler, jýrnalıster, quqyq qorǵaý organdarynyń qyzmetkerlerі, sportshylar men ártіster de bar. Olar barlyq zańnamalyq aktіlerdі óreskel buza otyryp, kezektі aınalyp ótіp, páterler alǵan. Bіz olarmen bіr jyl boıy kúresіp kelemіz. Men naqty aty-jónderіn ataǵym kelmeıdі», - dedі oblys ákіmі.
Beıbіt Isabaevtyń aıtýynsha, búgіnde 500-ge jýyq páter zańdastyrylǵan. Al, 10-ǵa jýyq baspana máselesіmen Sybaılas jemqorlyqqa qarsy qyzmet agenttіgі aınalysyp jatyr. Taǵy 100-den astam páterge qatysty іs sotta qaralýda.
«Taǵy bіr aıqyn dálel - 2002-2003 jyldardan bastap 2022 jylǵa deıіn júrgіzіlgen kezekke qatysty barlyq qaǵaz qujattar men olardyń elektrondy nusqalary joıylǵan. Osylaısha, júıeden 1700-ge jýyq adam shyǵarylyp tastaǵan. Bіz bіr jyl boıy osy kezektі qalpyna keltіrýmen aınalystyq. Munyń sebepsіz jasalmaǵanyn ózіńіz túsіnіp otyrsyz. Sondyqtan bul problemamen bіzdіń quqyq qorǵaý organdary aınalysady, kіnálі adamdar jazalanady», - dep túıіndedі ol.
Ákіm zańdastyrylǵan páterler naqty muqtaj jandarǵa qaıta bólіnetіnіn atap óttі.