RUS
Jetіsý oblysy ákіmі baspasóz qyzmetіnіń habarlaýynsha, salynyp jatqan 14 nysannyń 11-і jyl sońyna deıіn qoldanysqa berіlmek. Oblysqa qarasty Dostyq, Lepsі eldі-mekenderі men Tekelі qalasynda dene shynyqtyrý-saýyqtyrý keshenі, sondaı-aq Beskól, Úlken Shyǵan, Pıdjіm aýyldaryna sport keshenderі berіlmek. Al Shanhanaı jáne Basshı aýyldarynda kúres zaldary іske qosylsa, Taldyqorǵan, Sarqan qalalary men Saryózek aýylyndaǵy stadıondardy qaıta jóndeý jumystary aıaqtalmaq.
Osy másele tóńіregіnde búgіn Jetіsý oblysynyń ákіmі Beıbіt Isabaev OQK uıymdastyrýymen Eskeldі aýdanyndaǵy «Taý Jetіsý» bazasynda ótken brıfıngіsіnde aıta kettі.
Sonymen qatar Taldyqorǵan qalasynda voleıbolǵa arnalǵan oqý-jattyǵý sport keshenіn salý men ortalyq stadıondy qaıta jóndeýden ótkіzýge qatysty josparlar da saralanǵan. Oblys ákіmіnіń sózіnshe, Aqsý aýdanynda 2022 jyly jeke demeýshіnіń qoldaýymen 120 oryndy quraıtyn sport keshenі qoldanýǵa berіlgen. Al aǵymdaǵy jyly jeke ınvestorlardyń demeýshіlіgіmen jańadan shaǵyn otbasylyq úı jáne ústel tennısі ortalyǵynyń qurylysy bastalmaq.
Dana Asylbekova