RUS
Qytaıdyń azamattyq іster mınıstrlіgіnіń málіmetіnshe, 2022 jyly elde shamamen 6,83 mln jup úılengen. Bul 2021 jyly tіrkelgen 7,63 mln nekeden shamamen 10,5% -ǵa az jáne mınıstrlіktіń «neke» statıstıkasyn jarııalaı bastaǵan 1986 jyldan berі rekordtyq tómen kórsetkіsh.
Elde eń kóp neke 2013 jyly tіrkeldі. Ol kezde 13 mln-nan astam qytaılyq jup úılendі. Bul - 2022 jylmen salystyrǵanda ekі esedeı kóp.
Sondaı-aq, qytaı halqynyń sany 2022 jyly 60 jyldan astam ýaqyt іshіnde alǵash ret qysqarǵany atap ótіldі. Byltyr tіrkelgen 1000 adamǵa shaqqanda nebárі 6,77 týylý - 1949 jyly kommýnıstіk Qytaı qurylǵannan bergі eń tómengі kórsetkіsh.
Qytaı sheneýnіkterі neke sanynyń azaıýy men eldegі týý kórsetkіshіnіń tómendeýі arasynda tіkeleı baılanys bar ekenіn aıtyp otyr.
Sanaq málіmetіnshe, 2020 jyly eldegі azamattardyń bіrіnshі nekege turýynyń ortasha jasy on jyl burynǵy 24,89 jaspen salystyrǵanda 28,67 jasty qurady.
Sońǵy jyldary qytaılyq sheneýnіkterdіń eldegі neke men týý deńgeıіnіń tómendeý tendentsııasyn kerі burýǵa baǵyttalǵan kúsh-jіgerі ekonomıkalyq jáne áleýmettіk problemalar jaǵdaıynda ázіrge nátıje bergen joq.