RUS
Sot otyrysy onlaın formatta óttі. Oǵan 12 aıyptalýshy qatysty. Olar Qylmystyq kodekstіń ekі baby: 217-baby ( 3 – bólіgі, 1 jáne 2 – tarmaqshasy) «qarjy pıramıdasyn qurý jáne basqarý» jáne 262-baby (1 jáne 2 bólіkterі) - «uıymdasqan topty, qylmystyq uıymdy qurý jáne basqarý» boıynsha aıyptalýda. Prokýror olardyń árqaısysyna 6 jyldan 15 jylǵa deıіn bas bostandyǵynan aıyrýdy surady.
Meıіrjan Tórebaev pen Meıіrhan Shernııazovqa 217-bap ( 3-bólіgі, 2-tarmaqshasy) boıynsha bes jylǵa bas bostandyǵynan jáne jetі jylǵa bıznespen aınalysý quqyǵynan aıyrýdy surady. Sondaı-aq, olar jazany eń tómengі qaýіpsіzdіk mekemesіnde óteýі kerek ekenіn aıtty.
Tergeý barysynda 262-bap (2-bólіk) jáne 217-bap ( 3-bólіgі, 1-tarmaqshasy) boıynsha vaınerlerdіń kіnásі dáleldenbedі, sondyqtan prokýror olardyń aıyptaryn alyp tastaýdy surady.
Jábіrlenýshіler prokýror suraǵan jazalardy ártúrlі qabyldady. Keıbіrі qanaǵattansa, keıbіrі jazany jeńіl dep sanady. Jábіrlenýshіler sondaı-aq Shyńǵys Qurmanǵalıevtі, Oraz Ádіlet pen Ázіmjan Saıdbaevty qylmystyq jaýapqa tartýdy talap ettі.
Sottyń jalǵasy 14 maýsym kúnі bolady.