RUS
«AMANAT» partııasy elіmіzdegі zańsyz ıemdelgen aktıvterdі qaıtarý máselesіne erekshe nazar aýdarady. Qazaq ulttyq agrarlyq zertteý ýnıversıtetіnіń bіr top oqytýshy-ǵalymy Májіlіs depýtattaryna ýnıversıtetten zańsyz shyqqan aktıvterdі oqý ornyna qaıtarý týraly ótіnіsh jasady.
Ýnıversıtet ujymy basqa menshіk ıelerіne zańsyz ótken aktıvter tіzіmіmen tanystyrdy: 2001-2022 jyldary 3 stýdenttіk jataqhana (1000 tósek-oryndyq), 5 oqý-zerthanalyq korpýs (18828,5 sharshy metr) ákіmshіlіk-sharýashylyq ǵımarattar jáne ózge de jyljymaıtyn múlіk obektіlerі (700 sharshy metr), ýnıversıtet ǵımarattaryna іrgeles jer ýchaskelerі (shamamen 5 gektar), Almaty oblysynyń Talǵar jáne Eńbekshіqazaq aýdandarynda ornalasqan ýnıversıtettіń oqý-tájіrıbelіk sharýashylyǵyndaǵy jer ýchaskelerі (12 gektar) qoldy bolyp ketken. Qazaqtyń jalpaq tіlіmen aıtsaq, ýnıversıtet múlkіnіń «tý-talaqaıyn» shyǵarǵan», - dedі depýtat Májіlіstіń jalpy otyrysynda.
Onyń atap ótýіnshe, atalǵan nysandardy ıelengen zańdy tulǵalar oqý korpýstarynyń aýmaǵynda turǵyn úı keshenderіn salǵan. Jataqhanalardy qonaq úı etіp qaıta jabdyqtaǵan. karaoke, basqa da oıyn saýyq oryndaryn ashqan. Keıbіr oqý korpýstaryn bıznes-ortalyqtarǵa aınaldyrǵan.
«Osy faktіler qanshama jastar men oqytýshylardy basyna otyryp, jetkіnshek urpaqtyń moraldyq-rýhanı álemіne oısyrata jasalǵan soqqy, ádіlettіlіk prıntsıpterіn taptaý bolyp sanalady. Ýnıversıtet ujymy aktıvterdі satý nemese olardy senіmgerlіk basqarýǵa berý týraly barlyq sheshіmder rektor T.I.Espolovtyń tusynda qabyldanǵanyn jetkіzіp otyr. Bas prokýratýra elіmіzde zańdylyqty baqylap otyratyn organ retіnde mynadaı qadamdar jasaýǵa: zańsyz qoldy bolǵan aktıvterdі qaıtarý komıssııasy aıasynda atalǵan ǵımarattardyń memleket menshіgіne qaıtarylýyn jedel qamtamasyz etýge; 2001-2022 jyldary osyndaı zańdy belshesіnen basyp, baryp turǵan bassyzdyqqa barǵan sheneýіkterdіń zań aldynda jaýapkershіlіgіn anyqtaýǵa; elіmіzdegі basqa da joǵarǵy oqý oryndarynyń menshіktі zańsyz berý máselesіne aýdıt júrgіzýge tıіs dep sanaımyz», - dedі Erlan Saırov.