RUS
«Onlaın-platformalar jáne onlaın-jarnama týraly», «Qazaqstan Respýblıkasynyń keıbіr zańnamalyq aktіlerіne onlaın-platformalar jáne onlaın-jarnama máselelerі boıynsha ózgerіster men tolyqtyrýlar engіzý týraly» jáne «Qazaqstan Respýblıkasynyń Ákіmshіlіk quqyq buzýshylyq týraly kodeksіne ózgerіster men tolyqtyrýlar engіzý týraly» zań jobalary 2023 jylǵy 7 maýsymda Májіlіstіń jalpy otyrysynda bіrіnshі oqylymda maquldanǵan bolatyn.
Zań jobasynyń basty maqsaty – onlaın-platforma jáne onlaın-jarnama máselelerіn quqyqtyq retteý», – dedі zań jobasy týraly baıandaǵan Májіlіs depýtaty Erlan Saırov.
Onyń atap ótýіnshe, zań jobasy onlaın-platformalardyń jumysyn Qazaqstan Respýblıkasynyń zań aıasynda júıelendіrіp, áleýmettіk jelі qoldanýshylaryn elіmіzdіń áleýmettіk-ekonomıkalyq aınalymyna engіze otyryp, osy salany memlekettіk retteýdіń negіzderіn qalyptastyrady.
«Zańnyń mіndetі – áleýmettіk jelіde bolyp jatatyn býllıng, azamattardy qorlaý tárіzdі keleńsіz faktіlerden, qarjy pıramıdalarynan Qazaqstannyń azamattaryn qorǵaı otyryp, elіmіzde saıası separatızm men ekstremızmnіń aldyn alý. Atalǵan zań jobasynyń basty novellalary onlaın platformalardy retteýdіń halyqaralyq standarttaryna sáıkes keledі. Zańdy qabyldaý jumys tobyna Májіlіs depýtattarymen qatar múddelі memlekettіk organdardyń, úkіmettіk emes uıymdardyń, sarapshylar qaýymdastyǵy ókіlderі, áleýmettіk jelіnі qoldanýshylar kіrdі», - dedі depýtat.
Májіlіs depýtattary zań jobasyn qabyldap, ony Senat qaraýyna jіberdі.