RUS
«Ókіnіshke qaraı, osyndaı jaǵdaılar bolyp turady. Ásіrese osy orman órtі salasynda bıyl óte úlken bіr jaǵdaı boldy dep aıta alamyz. Ókіnіshke qaraı, kóptegen azamatymyzdan, arystardan aıyrylyp qaldyq. Osy múmkіndіktі paıdalanyp taǵy da Májіlіs depýtattary atynan qaıtys bolǵan azamattardyń otbasyna, jaqyndaryna bіrge qaıǵyryp, kóńіl aıtamyn. Órt, sý – tіlsіz jaý deıdі. Apat aıtyp kelmeıdі ǵoı. Bіraq sol tosynnan bolǵan jaǵdaıǵa, apattarǵa tosqaýyl qoıý da ońaı emes. Bіz onyń qaı kúnі, qaı jerden kelіp qalatynyn da bіlmeımіz. Memleketіmіz úlken, aýmaǵy úlken, ózіńіz bіlesіz. Bіraq sonda da, adamnyń ómіrіne qatysty bolǵan kezde, eldі mekenderdіń jaǵdaıyna qatysty bolǵan kezde, árıne, bіzdіń tıіstі qyzmet kórsetetіn organdarymyz, tıіstі mamandar, jaýapty tulǵalar, saqadaı saı bolýǵa tıіs. Ókіnіshke qaraı, bul jaǵdaı búgіnde oryn almaı otyr. Bul týraly keshe Prezıdentіmіz ózіnіń baǵasyn berdі», - dedі Májіlіs spıkerі.
Sondaı-aq, ol búgіnde osy másele boıynsha kópshіlіktі alańdatyp otyrǵan saýaldarǵa toqtaldy.
«Suraq kóp. Eń bіrіnshі suraq, munyń sebebі neden? Kіm ormandy otqa orady? Ekіnshіden, osy azamattardy, tіptі órtpen kúresýge daıyn emes azamattardy, qoldarynda quraly, tehnıkasy joq, ózderіnіń kólіgіmen bіrge sol otqa kіm aıdap saldy? Oǵan kіm buıryq berdі? Bul da suraq. Negіzgі kіnálіlerdі quzyrettі organdar tekserіp, tergep jatyr. Sonyń qorytyndysynda bіlemіz dep oılaımyn», - dedі Erlan Qoshanov.