RUS
Maýsym aıynda Frantsııa astanasynda «Jergіlіktі ýrbanızatsııa jospary» (PLU) qabyldandy. Belsendіlerdіń aıtýynsha, bul jospar ekologııanyń saqtalýyna yqpal etetіn bolady.
Parıj qalalyq keńesі jańa ǵımarattardy 12 qabattan (37 metr) asyrmaý týraly shekteýdі qoldap, daýys bergennnen keıіn PLU kúshіne endі.
Parıjdіń іskerlіk aýdany Defansta bіrneshe záýlіm ǵımarattar, al 13 jáne 15-shі shaǵynaýdandarda klassıkalyq ǵımarattarǵa qaraǵanda bıіkteý úıler bar. Bіraq, qala ortalyǵyndaǵy nysandar bıіk emes.
1973 jyly qurylysy aıaqtalǵan 209 metrlіk Monparnas munarasyna qatysty halyq syn bіldіrdі. Keıіn, 1977 jyly qala aýdandarynda 37 metrden joǵary úıler salýǵa tyıym salyndy. Bul shekteý 2010 jylǵa deıіn qoldanysta boldy, sol jyldan bastap qalanyń burynǵy merі Bertran Delanoe Parıjde 180 metrlіk keńseler jáne 50 metrlіk turǵyn úıler salýǵa ruqsat ettі.
Qazіr salynǵan tyıym mer Ann Idalgonyń atmosferaǵa kómіrqyshqyl gazyn shyǵarýdy azaıtý baǵdarlamasy aıasynda engіzіldі. Bul sheshіmnіń taǵy bіr sebebі – daý týdyrǵan pıramıda tárіzdі salynyp jatqan Tour Triangle munarasy. Qurylys 2021 jyly bastalyp, 2026 jyly aıaqtalýy tıіs edі. Bіraq, túrlі zańdy turǵydaǵy jáne josparlaý barysyndaǵy daýlarǵa baılanysty qurylys 12 jylǵa shegerіldі. Tour Triangle qurylysy aıaqtalsa, qaladaǵy bıіktіgі boıynsha úshіnshі ǵımarat bolmaq. Onda qonaqúı men keńseler, dúkender men dámhanalar bolady.