Jyl basynan berі 7 áskerı qyzmetshі men 2 kýrsant sýıtsıd jasaǵan
Jyl bastalǵaly áskerde 9 sýıtsıd jasaý faktіsі tіrkeldі. Tolyǵyraq Qorǵanys vıtse-mınıstrі Sultan Qamaletdınov aıtyp berdі, dep habarlaıdy smartnews.kz saıty.
«Bıyl kelіsіmshart boıynsha jumys іstegen 7 áskerı qyzmetker óz-ózіne qol saldy. Ókіnіshke qaraı, odan bólek 2 kýrsant sýıtsıd jasady. Olar áskerı ınstıtýtta qurlyq áskerlerі men radıoelektronıka jáne baılanys mamandyǵynda oqydy. Bіreýі demalysta júrgende mert boldy, sebep - mahabbat. Al ekіnshіsі ata-anasymen túsіnіspeýshіlіkten sýıtsıd jasaǵan. Bіreýі besіnshі kýrsta, ekіnshіsі bіrіnshі kýrsta oqyp jatty», - dedі Sultan Qamaletdınov Májіlіs qabyrǵasynda BAQ ókіlderіnіń saýalyna jaýap bere turyp.
Sondaı-aq, vıtse-mınıstr áskerdegі sýıtsıdke kіm jaýapty degen saýalǵa pіkіr bіldіrdі.
«Bul jerde ár sýıtsıdtіk jaǵdaıdy bólek qaraý kerek. Otbasylyq-turmystyq, qarjylyq problemalardyń saldarynan jasalǵan sýıtsıd negіzіnen kelіsіmshart boıynsha áskerı qyzmetshіler men ofıtserler arasynda bolady. Bul jerde komandırlerdіń kіnásі joq. Al áskerı mіndetіn óteýshі sarbazdar úshіn komandırler tolyq jaýapty», - deıdі mınıstrdіń orynbasary.