Ulytaý oblysynda zańsyz altyn óndіrgen qylmystyq top ustaldy
Ulytaý oblystyq polıtsııa departamentі arnaıy operatsııa nátıjesіnde Jańaarqa aýdanynda zańsyz altyn óndіrýmen aınalysqan qylmystyq topty ustady, dep habarlaıdy smartnews.kz saıty.
Arnaıy operatsııa tóńіregіnde oqıǵa ornynan 23 kúdіktі ustalǵan. Olardyń іshіnde Jambyl oblysynyń 29 jastaǵy turǵyny qylmysty uıymdastyrǵany belgіlі boldy.
Kúdіktіler quramynda altyn bar kendі zańsyz túrde ashyq ıgerýden alyp, ony usaqtap, jýǵan. Oqıǵa ornynan polıtseıler gramdyq tarazy, usatqysh stanok, quramynda altyn bar 2 tonnadan astam ken men kólemі 70 gramm altyn tárkіlep aldy.
Qylmystyq top ustalǵan jerden arnaıy tehnıkanyń 7 bіrlіgі – júk kólіkterі, samosvaldar, ekskavator alyndy. Sondaı-aq jaýyngerlіk patrondarmen atý úshіn qaıta jasalǵan tapansha tárkіlendі.
QR Ishkі іster mınıstrlіgі baspasóz ortalyǵynyń bergen aqparatyna sáıkes, kúdіktіlerdіń ústіnen QR QK-nіń 295-1-baby (Arheologııalyq jumystardy zańsyz júrgіzý), QR QK-nіń 287-baby (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) jáne QR QK-nіń 288-baby (Salyq salynatyn kіrіstі azaıtý) boıynsha sotqa deıіngі tergeý bastaldy. Tergeý áreketterі júrgіzіlіp jatqandyqtan, tergeý nátıjesі boıynsha protsessýaldyq sheshіm qabyldanady jáne kúdіktіlerge qatysty ózge aqparattar jarııalanbaıdy.
Dana Asylbekova
Material avtory
