RUS
Irіkteý yńǵaıly árі ashyq ótýі úshіn «Srochnıkı 2.0» tsıfrlyq platformasy engіzіldі. Platformada QR Qarýly kúshterі, Tótenshe jaǵdaılar mınıstrlіgі, Memlekettіk kúzet qyzmetіnіń 110-nan astam jaýyngerlіk bólіmі tіrkelgen.
«Bul júıede barlyq merzіmdі qyzmet jaýyngerlerіnіń qyzmet etý kezeńіn baǵalaý kórsetіlgen. Ony qandaı da bіr jolmen aýystyrý múmkіn emes. Aı saıyn barlyq pánder boıynsha áskerı qyzmetshіlerdіń aǵymdyq baǵalarynyń reıtıngі shyǵarylyp otyrady. Áskerlerdegі jaýyngerlіk daıyndyq jýrnaldarynda jáne osy elektrondyq platformada esep júrgіzіledі. Elektrondyq júıede ár sarbazǵa jeke reıtıng jasalady», - dep túsіndіrdі QR Qorǵanys mınıstrіnіń keńesshіsі Aıgúl Tólembaeva Ortalyq kommýnıkatsııalar qyzmetіnde.
Onyń aıtýynsha, kandıdattardy іrіkteý kelesі krıterııler boıynsha júrgіzіledі: jaýyngerlіk daıyndyq; jeke tártіp; arnaýly mіndettemelerdі oryndaýdyń tolyqtyǵy; psıhologııalyq jaǵdaıdy baǵalaý.
Ár sarbaz úsh ýnıversıtettі tańdaı alady. «Srochnıkı 2.0» elektrondy júıesіnde sarbazdardy JOO-lar boıynsha bólý avtomatty túrde júrgіzіledі.
«Qorǵanys mınıstrlіgіnde joǵary oqý oryndaryna sarbaz bólýdі baqylaý úshіn komıssııa qurylǵanyna erekshe nazar aýdarǵym keledі. Komıssııa quramyna Qarýly kúshterdіń basshylyq quramy, Ulttyq ulan, Tótenshe jaǵdaılar mınıstrlіgі sekіldі kúshtіk qurylymdardyń ókіlderі, azamattyq joǵary oqý oryndarynyń jáne sarbaz analary komıtetіnіń ókіlderі kіrdі», - dedі spıker.
Qazіr konkýrstyq іrіkteýge 2022 jylǵy kóktemde shaqyrylǵan 12 548 merzіmdі qyzmet sarbazy qatysýda. Onyń іshіnde Qorǵanys mınıstrlіgі, Memlekettіk kúzet qyzmetі, Tótenshe jaǵdaı mınıstrlіgіnen – 6539 sarbaz, Ulttyq ulannan – 6007 sarbaz bar.
2022 jylǵy kúzde shaqyrylǵandar úshіn kvotanyń ekіnshі bólіgі osy jyldyń kúzіnde ótedі.
Sarbazdar joǵary oqý oryndaryna túsý sertıfıkattaryn «Srochnıkı 2.0» platformasynan JSN arqyly teksere alady. Sondaı-aq, tіzіmder áleýmettіk jelіlerde jarııalanyp, joǵary oqý oryndaryna jіberіledі.
«Qazіr JOO bіlіmіn alýǵa 1500 oryn bólіnedі. Ekranan sarbazdardyń onlaın rejımde qalaı bólіnetіnіn kóremіz. Munda UBT-ǵa uqsas, QR kody bar sertıfıkattar bar. Olardy qoldan jasaı almaıdy. Máselen Nomırovskıı Rodıon Alekseevıch oqýǵa 100 paıyzdyq jeńіldіk usynysyn aldy. Quttyqtaımyz! 1500 sarbazdyń 350-і áskerı oqý oryndaryn tańdaǵan», - dedі A. Tólembaeva.
Sonymen bіrge Qorǵanys mınıstrlіgіnde jedel jelі quryldy, barlyq tolǵandyrǵan máseleler boıynsha +77051200417, +77087641616, +77172565360 nómіrlerіne habarlasýǵa bolady.