RUS
Ulttyq mýzeıdіń burynǵy dırektory Arystanbek Muhamedıuly sot aldyndaǵy sońǵy sózіn aıtty.
Bіr jyldan astam qazaqstandyqtar jáne álem «Altyn adam» kórmesіne qatysty qylmystyq іstіń barysyn baqylap keledі. Bıyl 17 sáýіrde sottyń alǵashqy otyrysynda men aıtqam, Memleket basshysynyń tapsyrmasyn oryndaý maqsatynda men Úndіstannan «Altyn adamdy» elge aman-saý alyp keldіm. Elshіlіk basqa da quzyrly organdardyń kómegіmen lokdaýnnyń dál aldynda qundy dúnıenі Qazaqstanǵa jetkіzdіk. Men zań buzǵan joqpyn jáne kіnámdі tolyq moıyndamaımyn. Ony buǵan deıіn de aıtqam, - dedі ol.
Sondaı-aq, taǵylǵan aıyptardyń bіreýі de dáleldenbegenіn aıtyp otyr.
Osydan 2 aı buryn bastalǵan sot protsesі menіń ǵana emes, basqa da aıyptylardyń sózderіnіń shynaıylyǵyn kórsettі. Menіń shynaıylyǵymnyń dálelі – aıyptaý aktіsіnіń jańa tujyrymy. Onda prokýror urlaý, sóz baılasý jáne zańdy buzý faktіlerі boıynsha bіrde-bіr dálel keltіrmeıdі. Barlyq shaqyrylǵan kýágerler qarjy jymqyrý faktіsіnіń bolmaǵanyn aıtty. Eshqandaı zańsyz áreketterdіń joqtyǵyn senіmdі túrde qaıtalady, - dedі Arystanbek Muhamedıuly.