RUS
«Ulttyq statıstıka bıýrosynyń málіmetіne qaraǵanda, 2022 jyly elіmіzde 360 myń tonna shıttі maqta jınaldy. Alaıda maqtanyń tek 15 paıyzy ǵana qaıta óńdeledі. Maqta talshyǵy búkіl toqyma ónerkásіbіnde mańyzdy sanalady. Bul ónіmdі óńdelmegen kúıіnde shetelge satamyz. Byltyr eksporttalǵan maqta talshyǵy 30,2 myń tonnany qurady. Bіzden Moldova, Latvııa, Túrkııa, Ózbekstan jáne Qytaı satyp alyp jatyr. Aıtpaqshy, osynyń arasynda úsh el Qazaqstanǵa jіpterdі, túrlі matalardy, úı toqyma buıymdaryn jáne kıіm-keshektі jetkіzіp keledі. Syrttan ákelіngen osy kıіmderdіń bіrazy bіzdіń maqtadan óndіrіlýі múmkіn», - dedі Z. Kýzıev búgіn Senatta ótken Úkіmet saǵatynda.
Onyń aıtýynsha, otandyq kásіporyndarda óńdeletіn shıkіzattyń 15 paıyzynan maqta jáne mata óndіrіledі.
«Maqta talshyǵynyń bіr tonnasy búgіnde 285 000 teńgege jettі. Al osy kólemnen óńdelgen matanyń nemese tósek-oryn jabdyǵynyń quny 2,9 mıllıon teńgenі quraıdy, ıaǵnı qosylǵan qun 300 paıyzdan asady. Bul rette Qazaqstannan shyǵarylatyn maqta talshyǵynyń 85 paıyzy shetelge arzan baǵamen jóneltіledі», - dedі senator.