«Mashına jasaýda shyǵarylatyn jeńіl avtomobılder modelderіnіń jelіsі keńeıtіlіp keledі. Respýblıkada óndіrіlgen barlyq avtokólіktіń 61 protsentі Qostanaı oblysynda qurastyrylǵan. Jyl basynan berі 35 myńnan astam avtomobıl qurastyryldy, onyń іshіnde eksportqa jіberіlgenі – 7,1 myń kólіk», - dedі Q. Aqsaqalov elordada Ortalyq kommýnıkatsııalar qyzmetіnde ótken baspasóz máslıhatynda.
Onyń aıtýynsha, mashına jasaý salasynda jańa jobalar da іske asyrylyp keledі.
«Mysaly, «SaryarqaAvtoProm» JShS qýattylyǵy jylyna 30 myń kólіk bolatyn, quny 23,4 mlrd teńgege jetetіn «Chevrolet Onix» avtomobılderіn shaǵyn toraptyq óndіrý jobasy boıynsha belsendі jumys іsteýde. Ol 400 jumys ornyn qurýǵa múmkіndіk beredі», - dedі óńіr ákіmі.
Sonymen bіrge, oblystaǵy Indýstrıaldy aımaqta traktor kabınalaryn shyǵaratyn zaýyt іske qosylady.
Oǵan qosa, arnaıy shynjyr tabandy tehnıka shyǵaratyn zaýyt qurylysyn bastaý josparlanǵan.