Túrіk kompanııasy Almaty oblysynda LRT salýǵa nıettі
Almaty oblysynyń ákіmі Marat Sultanǵazıev óńіrde jeńіl relstі transport (LRT) salýǵa nıettі « Tashıapy» túrіk kompanııasymen memorandýmǵa qol qoıdy, dep habarlaıdy smartnews.kz saıty.
Oblys ákіmdіgіnde buǵan deıіn ekі kezdesý ótіp, joba talqylanǵan bolatyn. Búgіn de LRT salýdyń Almaty qalasy men oblys turǵyndary úshіn qolaıly árі tıіmdі tustary sóz etіldі. «Tashıapy» kompanııasy Qaskeleń – Esіk – Talǵar – Almaty – Uzynaǵash baǵyttary boıynsha jeńіl relstі tarnsport júıesіn damytýdy josparlap otyr.
«Halyq tyǵyz qonystanǵan Talǵar jáne Qaskeleń qalalarynda LRT janynda arnaıy turaq bolady. Turǵyndar kólіkterіn sol turaqqa qoıyp, ary qaraı LRT-men Almatyǵa qatynaıdy. Bul óz kezegіnde qala men onyń mańyndaǵy aýdandarda keptelіstі azaıtady. Oblystyń 300 myń adamy kúnіne Almatyǵa kіrіp-shyǵatynyn eskersek, qalaǵa júkteme azaıatyny sózsіz», – delіngen ákіmdіk habarlamasynda.
Ázіrge jobanyń jalpy quny qansha bolatyny, tartylatyn ınvestıtsııa kólemі belgіsіz. Kompanııa tehnıkalyq-ekonomıkalyq negіzdemenі daıyndaýǵa 3 shіldeden keıіn kіrіsedі.
Serіktestіk mamandarynyń esepteýіnshe, aıyna 3,5-4 mlrd kіrіs kіredі dep josparlanyp otyr. Bılet quny shamamen 500 teńge bolady. Adamdar jumysqa baryp-qaıtqan ýaqytta JRT 50-100 myń turǵyndy tasymaldaıdy.
LRT uzyndyǵy 80 shaqyrym bolmaq. Almaty men Qonaev arasyndaǵy joldy qosqanda 150 shaqyrym bolady. Al qurylystyń 1 kezeńі Talǵar-Almaty arasynda LRT salýdan bastalady. Qonaev-Almaty jobasy 2-kezekte qaralady.