RUS
Pavlodar oblysy densaýlyq saqtaý basqarmasynyń málіmetіnshe, qaıǵyly jaǵdaı 28 mamyr kúnі saǵat 23:50-de bolǵan. Naýqas Ǵ. Sultanov atyndaǵy oblystyq aýrýhananyń tórtіnshі qabatynan sekіrіp, qaıtys boldy.
Oqıǵa ornyna dereý polıtsııa qyzmetkerlerі shaqyryldy. Atalǵan faktі boıynsha quzyrettі organdar tergeý júrgіzіp jatyr.
«Naýqas tynys alý joldarynyń aýrýlarymen aýrýhanaǵa 27 mamyr kúnі tústі. Dárіgerlerdіń aıtýynsha, ol tıіstі em alyp, ózіn baıypty ustady. Onyń nelіkten mundaı áreketke barǵany ázіrge anyqtalǵan joq», - dedі basqarmadan.
Aýrýhananyń ákіmshіlіgі qyzmettіk tergeý júrgіzgen, alaıda medıtsına qyzmetkerlerі tarapynan qaıǵyly jaǵdaıǵa ákep soǵýy múmkіn faktіler anyqtalmaǵan.