RUS
«Jalpy, men Memleket basshysy jáne azamat retіnde qazaq ádebıetіn árdaıym qoldaımyn. Týyndylar oqyrmandarǵa qoljetіmdі bolýy kerek dep oılaımyn. Al, jazýshylarymyzdyń shyǵarmalary halyq arasynda, ásіrese, jastar arasynda suranysqa ıe bolýy kerek. Munyń bárі – memlekettіń ǵana emes, jazýshylarymyzdyń da mіndetі. Oqyrman qaýym qalamgerlerden halyqqa rýhanı azyq bolatyn tyń dúnıeler kútedі. Jazýshylar odaǵy osy jumysqa uıytqy bolady dep senemіn. Osyǵan baılanysty, men Mereke Qulkenovtіń «Qazaqstannyń Halyq jazýshysy» ataǵyn qaıtarý týraly usynysyn qoldaımyn. Bul ataq atyna – zaty saı, laıyqty, týyndylary arqyly halyq súıgen jazýshylarǵa ǵana berіlýі kerek dep sanaımyn», - dedі Qasym-Jomart Toqaev.
Memleket basshysy kıno salasyna da toqtaldy.
«Qazіrgі zamanda el bolamyz desek, ekrandy da túzeýіmіz kerek. Sebebі, kıno qoǵamnyń sana-sezіmіne erekshe yqpal etedі. Elіmіzde kıno óndіrіsі jaqsy damyǵan dep aıtý qıyn. Jańa ǵana belgіlі óner qaıratkerі Azamat Satybaldy kıno salasyn damytý týraly tushymdy oı aıtty. Men qoldaımyn. Rasynda, búgіnde kıno salasynda daý-damaı kóbeıіp kettі. Bіrneshe keleńsіz mysaldar bar», - dedі Prezıdent.