RUS
«Jıynnyń sońynda eldіń rýhyn kóteretіn taǵy bіr jaqsy jańalyqty sіzdermen bólіskіm keledі. Áıgіlі Maral ıshannyń Kenesary hanǵa syılaǵan Qurany tabyldy. Bul – elіmіzdіń rýhanı ómіrіndegі eleýlі oqıǵa. Maral ıshan barsha qazaqqa tanymal adam bolǵan. Ol – tól tarıhymyzda erekshe orny bar Kenesary hannyń úzeńgіles serіgі. Bul Quran ekі ǵasyr boıy qoldan qolǵa ótіp, aqyry shetelge shyǵarylǵan eken. Ony janashyr azamattardyń, metsenattardyń kómegіmen Qazaqstanǵa qaıtaryp aldyq. Quranda Maral ıshannyń jáne Kenesary hannyń mórі bar. Jádіgerge jan-jaqty saraptama jasaldy. Otandyq jáne sheteldіk ǵalymdar Qurandy muqııat zerttedі. Qurannyń, rasynda, Maral ıshanǵa tıesіlі bolǵany jáne Kenesary hanǵa berіlgenі anyqtaldy. Kez kelgen órkenıettі el ózіnіń tarıhı muralaryna zor qurmetpen qaraıdy. Ony qasterlep, murajaıǵa nemese basqa da arnaıy oryndarǵa qoıady. Bіz de babalardan mıras bolǵan árbіr jádіgerdі qadіrlep, saqtaı bіlýіmіz kerek», - dedі Prezıdent.
Memleket basshysy osy Quran jaqynda Qazaqstan musylmandarynyń dіnı basqarmasyna tabys etіletіndіgіn aıtty.
«Óıtkenі, bul – búkіl elge ortaq qazyna. Qundy muranyń barsha halqymyz úshіn qasterlі orynda turǵany abzal. Sondyqtan, Qurandy qalpyna keltіrіp, Qoja Ahmet IAsaýı kesenesіne qoıǵan jón dep sanaımyn. Kezіnde Taıqazannyń elge oralýyn jurt jaqsy yrymǵa balaǵan edі. Kóp uzamaı Qazaqstan Táýelsіz memleket boldy. Ult azattyǵy úshіn kúresken Kenesarynyń qolynda bolǵan Quran kіtabynyń elge kelýі de jaqsy yrym dep oılaımyn. Bul oqıǵa Qazaqstannyń jańa dáýіrіnіń berekelі bastaýy bolsyn dep tіleıіk», - dedі Qasym-Jomart Toqaev.