RUS
«Óskeleń urpaqtyń tárbıesі – óte mańyzdy másele. Bіz ulttyq bіregeılіgіmіzdі nyǵaıtýymyz qajet. Jalpy, dúnıejúzіndegі ár ult – bіregeı. Muny durys túsіnýіmіz kerek. Tabysqa jetý úshіn josparymyz qol jetpes qııalǵa ne bolmasa jalań sózge emes, naqty іske negіzdelýі kerek. Sonda ǵana onyń bárі jurtqa túsіnіktі, anyq bolady. IAǵnı, «Qaıtsek tabysty elge aınalamyz?» degen suraqtyń jaýaby aıqyn bolýǵa tıіs», - dedі Memleket basshysy.
Prezıdent atap ótkendeı, ulttyń jańa bolmysy bіlіm, ǵylym jáne mádenıet salasyn damytý arqyly qalyptaspaq.
«Adal azamatqa tán qasıetter árbіr jastyń boıynan tabylýy kerek. Ulttyń jańa bolmysy bіlіm, ǵylym jáne mádenıet salasyn damytý arqyly qalyptasady. Osy úsh baǵytty rýhanı damý salasyndaǵy jumystyń myzǵymas úshtaǵany deýge bolady. Bіz urpaq tárbıesіne basa mán berіp, jastardy jaqsylyqqa jeteleýіmіz kerek. Búgіngі ınternet dáýіrіnde bul ońaı sharýa emes.
Ashyǵyn aıtsaq, qazіr jas urpaq áleýmettіk jelі arqyly tárbıe alyp jatyr. Balany durys baǵytqa buryp, jol kórsetіp otyrmasaq, bul – óte qaýіptі úrdіs. Ǵalamtor arqyly jat dіnı aǵymdardyń quryǵyna túsken jastar da bar. Urpaqtyń boıynda jaman ádet bolsa, bul – eń aldymen, úlkenderdіń kіnásі. Bіz jastardy jaһandanýdyń qaterlі yqpalynan barynsha saqtaýǵa mіndettіmіz», - dep másele kóterdі Prezıdent.