Jańaózen-Kendіrlі tasjolynda bolǵan jol-kólіk apatynan 10 adam qaza tapty
Mańǵystaý oblysyndaǵy Jańaózen-Kendіrlі tasjolynda jol-kólіk apatynan 10 adam qaza tapty. Onyń beseýі kámeletke tolmaǵan, dep habarlaıdy smartnews.kz saıty.
Oqıǵa 16 maýsym kúnі saǵat 21:30 shamasynda bolǵan.
Osy oqıǵaǵa baılanysty Mańǵystaý oblysy Polıtsııa departamentіnіń bastyǵy óńіr turǵyndaryna úndeý jasady.
Qaza bolǵandardyń týystary men jaqyndaryna kóńіl aıta otyryp, eskertkіm keledі. Jol-kólіk oqıǵasynyń negіzgі sebebі – kólіktіń qarsy baǵytqa shyǵyp ketýі. Keshegі qorqynyshty apatty taldaı otyryp, «Toyota» kólіgіnіń іshіnde 8 adam bolǵanyn atap ótkіm keledі. Eger erejeler saqtalyp, júrgіzýshі men jolaýshylar qaýіpsіzdіk beldіgіn taǵyp, sondaı-aq balalarǵa arnalǵan oryndyqtar paıdalanylsa, onda kólіkke tek 4 adam ǵana syıady. Al, apat bolǵan jaǵdaıda bul quraldar adam ómіrі men densaýlyǵyn saqtap qalýy múmkіn. Osy jol-kólіk oqıǵasyndaǵy ekіnshі kólіk – «Duster» avtokólіgіnіń júrgіzýshіsі bіr aı buryn qaýіpsіzdіk beldіgіn taqpaǵany úshіn eskertý alyp, aıyppul salynǵan. Osyǵan baılanysty jol qozǵalysy erejelerіn saqtaýdy jáne óz ómіrlerіńіz ben balalaryńyzdyń ómіrіne jaýapkershіlіkpen qaraýlaryńyzdy suraımyn! - dep úndeý jasady aımaq turǵyndary men qonaqtaryna polıtsııa general-maıory Aıan Dúısembaev.