RUS
«2022 jylǵy 16 qyrkúıekte Samarqandta jasalǵan Shanhaı yntymaqtastyq uıymyna múshe memleketterdіń úkіmetterі arasyndaǵy týrızm salasyndaǵy yntymaqtastyqty damytý týraly kelіsіmge qosylsyn. Syrtqy іster mınıstrlіgі kelіsіmge QR Úkіmetіnіń qosylatyny týraly Shanhaı yntymaqtastyq uıymynyń hatshylyǵyn habardar etsіn», - delіngen Ashyq NQA portalynda jarııalanǵan Úkіmet qaýlysynyń jobasynda.
Qujatqa qosymsha berіlgen túsіndіrmede jazylǵandaı, atalǵan kelіsіmge qosylý týrızm salasyndaǵy yntymaqtastyqty keńeıtýge múmkіndіk bermek.
«Osy kelіsіmge qosylý Qazaqstan men Shanhaı yntymaqtastyq uıymyna múshe basqa da memleketterdіń arasyndaǵy týrızm salasyndaǵy yntymaqtastyqty keńeıtýge múmkіndіk beredі. Bul terіs áleýmettіk-ekonomıkalyq jáne quqyqtyq saldarǵa ákep soqpaıdy. Sondaı-aq, respýblıkalyq bıýdjetten qosymsha qarajat bólýdі talap etpeıdі. Qujat Qazaqstan Respýblıkasynyń múddelі memlekettіk organdarymen kelіsіlgen», - dep jazylǵan qujatta.
Úkіmet qaýlysy 1 shіldege deıіn kópshіlіk talqylaýda bolady. Keıіn qol qoıý úshіn Premer-Mınıstrge joldanady.