RUS
ShQO Tótenshe jaǵdaılar departamentі baspasóz qyzmetіnіń málіmetіne súıensek, 17 maýsymda Katonqaraǵaı aýdanyndaǵy «Katonqaraǵaı ulttyq tabıǵı parkі» RMM Aqsý fılıalynyń aýmaǵynda (Ýst-IAzovskoe ormanshylyǵy) jetýі qıyn taýly jerde órt shyqqan. Qyzyl jalyn shóp pen butalardy sharpyp jatyr.
Aldyn ala derek boıynsha tіlsіz jaý taraǵan aýmaq – 15 gektar. Órttі sóndіrýge «Qazavıaormandy qorǵaý» qyzmetkerlerі, ormanshylar, jergіlіktі atqarýshy organdar, TJD órt sóndіrýshіlerі jumyldyryldy.
«Barlyǵy 111 adam, 3 tehnıka jáne ShQO ákіmі apparatynyń áýe bólіmshesіnіń 2 tіkushaǵy jumys іsteýde. Jalynmen kúreske jumyldyrylǵan adamdar sol jerge tіkushaqpen jetkіzіldі, óıtkenі jer bederі avtotehnıkamen júrýge múmkіndіk bermeıdі. Eldі mekenderge qaýіp tónіp turǵan joq», - delіngen aqparatta.