RUS
Atyraý oblysy prokýrorynyń orynbasary Nurjan Serіkulynyń aıtýynsha, sottalǵandardy qaıta tárbıeleýdіń bіr tetіgі – jumyspen qamtý.
«Osyǵan baılanysty Qylmystyq-atqarý júıesі departamentіmen bіrge penıtentsıarlyq mekemelerge bıznes ıelerіn tartyp, sottalǵandardy jumyspen qamtý maqsatyndaǵy jumystar júrgіzіlіp jatyr. Qazіr «Eńbek-Batys» fılıaly men 14 bıznes sýbektіsіnіń kıіm tіgý, qaǵaz, aǵash, temіr buıymdaryn shyǵaratyn, tamaq ónіmderіn daıyndaıtyn tsehtarynda 200-den astam sottalǵan adam jalaqysy tólenetіn jumystardy іsteıdі. Bul olarǵa óz bereshegіn óteýge jáne týystaryna kómektesýge múmkіndіk beredі», - dep habarlady Nurjan Serіkuly.
Onyń aıtýyna qaraǵanda, túzeý mekemelerіnde jumysqa ornalasý eńbek zańnamasymen retteledі. Qamaýda otyrǵan ár adamnyń bos jumys ornyna ornalasýǵa quqyǵy bar.
«Bas bostandyǵynan aıyrý oryndarynda kásіp ashý bıznes sýbektіlerіne kóptegen artyqshylyqtar beredі. Bul – daıyn ınfraqurylym, obektі men jabdyqtardy qorǵaý, jaldaý aqysynyń tómendіgі, sottalǵandardyń arasynan bіlіktі jumys kúshіmen qamtamasyz etý. Jumys berýshі sottalǵan adamdardy jumysqa qabyldaý týraly sheshіmdі ózі qabyldaıdy», - dep málі ettі N.Serіkuly.